Last Update :
23 Apr 2025
Pahalgam terror attack : પહેલગામ આતંકવાદી હુમલામાં માર્યા ગયેલા લોકોને શ્રદ્ધાંજલિ આપવા માટે શ્રીનગરના પોલીસ કંટ્રોલ રૂમમાં દેશના ગૃહમંત્રી અમિત શાહ પહોંચ્યા ત્યારે ત્યાંનું સમગ્ર વાતાવરણ શોકમગ્ન હતું. મૃતકોને શ્રદ્ધાંજલિ આપ્યા પછી ગૃહમંત્રી અમિત શાહે મૃતકોના પરિવારજનોને મળીને સાંત્વના આપી હતી.
GSTVની એપ્લિકેશન ડાઉનલોડ કરો
પરિવારના સભ્યોના રોઈને ખરાબ હાલ
મૃતકોના સગાસંબંધીઓ રડતા રડતા ખરાબ હાલતમાં હતા. તેઓ ગૃહમંત્રી સમક્ષ પોતાના વિચારો રજૂ કરી રહ્યા હતા. ગૃહમંત્રી અમિત શાહ પણ ખૂબ જ દુઃખી દેખાતા હતા. તેમણે લોકો સાથે વાત કરી અને નજીકમાં ઉભેલા એક બાળકને માથે હાથ ફેરવી દિલાસો આપ્યો. લોકોને હિંમતથી કામ લેવા કહ્યું.
https://twitter.com/ANI/status/1914912654482690541
ભારત આતંકવાદ સામે ઝૂકશે નહીં: અમિત શાહ
કેન્દ્રીય ગૃહમંત્રી અમિત શાહે સોશિયલ મીડિયા પર એક પોસ્ટમાં કહ્યું, "ભારે મન સાથે હું પહેલગામ આતંકવાદી હુમલાના મૃતકોને મારી અંતિમ શ્રદ્ધાંજલિ અર્પણ કરું છું. ભારત આતંક સામે ઝૂકશે નહીં. આ ક્રૂર આતંકવાદી હુમલાના ગુનેગારોને છોડવામાં નહીં આવે."
પહેલગામમાં થયેલા આતંકવાદી હુમલામાં પોતાના પ્રિયજનો ગુમાવવાનું દુઃખ દરેક ભારતીય અનુભવે છે. આ દુ:ખ શબ્દોમાં વ્યક્ત કરી શકાતું નથી. હું આ બધા પરિવારો અને સમગ્ર રાષ્ટ્રને ખાતરી આપું છું કે નિર્દોષ લોકોની હત્યા કરનારા આ આતંકવાદીઓને બિલકુલ બક્ષવામાં આવશે નહીં.
https://twitter.com/AmitShah/status/1914947281843052972
અમિત શાહ પણ પહેલગામ પહોંચ્યા હતા
આતંકવાદી હુમલામાં માર્યા ગયેલા લોકોને શ્રદ્ધાંજલિ આપવા માટે અહીં પોલીસ કંટ્રોલ રૂમમાં આયોજિત શોક સમારોહમાં પુષ્પાંજલિ અર્પણ કર્યા પછી ગૃહમંત્રી શાહ હેલિકોપ્ટર દ્વારા શ્રીનગરથી લગભગ 110 કિમી દૂર બૈસરન જવા રવાના થયા. બૈસરનમાં જ આતંકવાદીઓએ પ્રવાસીઓ પર હુમલો કર્યો હતો. અમિત શાહે સુરક્ષા અધિકારીઓ પાસેથી ઘટનાની સંપૂર્ણ માહિતી લીધી અને સ્થળનું જાત નિરીક્ષણ કર્યું.
