UPI ફરી એકવાર ડાઉન થયું, ફોનપે અને પેટીએમ દ્વારા ચૂકવણી નિષ્ફળ

UPI ફરી એકવાર ડાઉન થયું છે. UPI એપ્સ દ્વારા ચૂકવણી નિષ્ફળ રહી છે. ભારતના સૌથી વધુ ઉપયોગમાં લેવાતા ડિજિટલ પેમેન્ટ પ્લેટફોર્મ, યુનિફાઇડ પેમેન્ટ્સ ઇન્ટરફેસ (UPI) ને વધુ એક મોટો આઉટેજ થયો, જેના કારણે દેશભરના હજારો વપરાશકર્તાઓ માટે વ્યવહારો ખોરવાઈ ગયા.

GSTVની એપ્લિકેશન ડાઉનલોડ કરો

   

જો તમે UPI દ્વારા પેમેન્ટ નથી કરી રહ્યા તો, તમે એકલા નહીં પરંતુ સમગ્ર દેશમાં આજે 12 મે યુનિફાઇડ પેમેન્ટ્સ ઇન્ટરફેસ (યુપીઆઈ) સર્વિસ એકવાર ફરી ડાઉન થઈ છે. જેના કારણે Paytm, PhonePe અને Google Payના યુઝર્સને સૌથી વધુ તકલીફ પડી હતી અને તેઓ UPI પેમેન્ટ કરી શક્યા નહોતા. લોકોને પેમેન્ટ કરવામાં હેરાનગતિનો સામનો કરવો પડ્યો હતો. આઉટેજને ટ્રેક કરતી વેબસાઈટ ડાઉનડિટેક્ટરે કહ્યું કે, લગભગ સાંજના 5 વાગ્યાથી યૂપીઆઈમાં આ સમસ્યા શરુ થઈ હતી. સાંજે 7 વાગ્યે સૌથી વધારે 913 ફરિયાદો નોંધવામાં આવી હતી.

એક મહિનાની અંદર આ ત્રીજીવાર UPI સેવા ઠપ

નોંધનીય છે કે, આ પહેલા પણ UPI સેવા ઠપ થઈ હતી. એક મહિનાની અંદર આ ત્રીજીવાર છે કે, UPI સેવા ડાઉન થઈ ગઈ છે. જેમાં ડિજિટલ પેમેન્ટની વિશ્વસનીયતા પર ચિંતાઓ વધી ગઈ છે. જોકે, હવે સર્વિસિસે કામ કરવાનું શરુ કર્યું છે.