Last Update :
30 May 2025
પંજાબ કિંગ્સ (PBKS) ક્વોલિફાયર-1માં રોયલ ચેલેન્જર્સ બેંગલુરુ(RCB) સામે હારી ગયું છે, હવે તેને ફાઈનલમાં પહોંચવા માટે ક્વોલિફાયર-2 જીતવીપડશે. 1 જૂને યોજાનારી આ મેચમાં, તેનો સામનો એલિમિનેટર મેચના વિજેતા સાથે થશે. આજે (30 મે) ગુજરાત ટાઈટન્સ (GT) અને મુંબઈ ઈન્ડિયન્સ (MI) એલિમિનેટર મેચમાં એકબીજા સામે ટકરાશે. તમને જણાવી દઈએ કે પ્લેઓફ ફોર્મેટ 2011માં શરૂ થયું હતું, આ પહેલા સેમીફાઈનલમાંથી ફાઈનલિસ્ટ ટીમો પસંદ કરવામાં આવતી હતી. આ સિઝન પહેલા, આ ફોર્મેટ 14 સિઝનમાં રમાયું છે, ચાલો તમને જણાવીએ કે આ 14 સિઝનમાં ક્વોલિફાયર-1માં હારી ગયેલી ટીમ કેટલી વાર ફાઈનલમાં પહોંચી હતી અને કેટલી વાર ટાઈટલ જીતી હતી?
GSTVની એપ્લિકેશન ડાઉનલોડ કરો
પહેલા આપણે IPLમાં વપરાતા પ્લેઓફ ફોર્મેટને સમજીએ. લીગ સ્ટેજ મેચ પછી, પોઈન્ટ્સ ટેબલની ટોપ 4 ટીમોને પ્લેઓફમાં સ્થાન મળે છે, જ્યારે અન્ય ટીમો બહાર થઈ જાય છે. ક્વોલિફાયર-1 ટોપ 2 ટીમો વચ્ચે અને એલિમિનેટર ત્રીજા અને ચોથા નંબરની ટીમો વચ્ચે રમાય છે. ક્વોલિફાયર-1 જીતનારી ટીમ ફાઈનલમાં પહોંચે છે અને હારનારી ટીમ એલિમિનેટર જીતનારી ટીમ સાથે ક્વોલિફાયર-2 રમે છે. તેમાં જીતનારી ટીમ બીજી ફાઈનલિસ્ટ ટીમ બને છે.
ક્વોલિફાયર-1 હારનારી ટીમ કેટલી વાર ફાઈનલમાં પહોંચી છે?
ગયા સિઝનની રનર-અપ ટીમ સનરાઈઝર્સ હૈદરાબાદ (SRH) પણ ક્વોલિફાયર-1 હાર્યા પછી ક્વોલિફાયર-2 જીતીને ફાઈનલમાં પહોંચી હતી. અત્યાર સુધીમાં કુલ 11 વખત એવું બન્યું છે કે ક્વોલિફાયર-1 હારનારી ટીમ ફાઈનલમાં પહોંચી છે. એટલે કે, તે ક્વોલિફાયર-2 જીતી છે.
- 2024: SRH
- 2023: GT
- 2022: RR
- 2020: DC
- 2019: CSK
- 2018: SRH
- 2017: MI
- 2015: CSK
- 2014: PBKS
- 2013: MI
- 2011: RCB
ક્વોલિફાયર-1 હાર્યા પછી કઈ ટીમે IPL ટાઈટલ જીત્યું છે?
11 સિઝનમાંથી, ફક્ત 2 વાર એવું બન્યું છે કે ક્વોલિફાયર હારનારી ટીમે ટાઈટલ જીત્યું હોય, જ્યારે અન્ય 9 વખત આવી ટીમો ફાઈનલ હારી છે. મુંબઈ ઈન્ડિયન્સ (MI) એકમાત્ર ટીમ છે જેણે ક્વોલિફાયર-1 હાર્યા પછી પણ IPL ટ્રોફી જીતી છે.
- 2017: MI એ ફાઈનલમાં RPSને હરાવીને ટ્રોફી જીતી હતી.
- 2013: MI એ ફાઈનલમાં CSKને હરાવીને ટ્રોફી જીતી હતી.
ક્વોલિફાયર-1માં હારી ગયેલી ટીમ પંજાબ કિંગ્સ (PBKS) ફાઈનલમાં પહોંચે છે કે કેમ તે જોવાનું રસપ્રદ રહેશે. આ માટે, તેણે બીજી ક્વોલિફાયર મેચ જીતવી પડશે, જે 1 જૂને નરેન્દ્ર મોદી ક્રિકેટ સ્ટેડિયમ ખાતે યોજાશે. તેનો મુકાબલો એલિમિનેટર મેચના વિજેતા સાથે થશે, આ (30 મે) મેચ આજે GT અને MI વચ્ચે રમાશે.
