Last Update :
30 May 2025
IPLની 18મી સિઝનમાં, રોયલ ચેલેન્જર્સ બેંગલુરુ (RCB) એ 29 મેના રોજ રમાયેલી પ્રથમ ક્વોલિફાયર મેચમાં પંજાબ કિંગ્સ (PBKS) ને 8 વિકેટથી હરાવીને ફાઈનલ મેચ માટે પોતાનું સ્થાન નિશ્ચિત કર્યું છે. RCBની ટીમે આ સિઝનમાં શાનદાર પ્રદર્શન કર્યું હતું, જેમાં તેણે લીગ સ્ટેજ દરમિયાન અન્ય ટીમોના હોમ ગ્રાઉન્ડ પર રમાયેલી તમામ 7 મેચ જીતી હતી. આ વખતે RCBની ટીમમાં એવા ચાર ખેલાડીઓનો પણ સમાવેશ થાય છે જેઓ ગઈ સિઝનમાં પણ ફાઈનલમાં પહોંચ્યા હતા.
GSTVની એપ્લિકેશન ડાઉનલોડ કરો
આ ચાર ખેલાડીઓ ગઈ સિઝનમાં પણ ફાઈનલમાં પહોંચ્યા હતા
IPL 2025 સિઝન માટે મેગા ઓક્શન પછી RCBની ટીમના બોલિંગ વિભાગ વિશે ઘણી ચર્ચા થઈ હતી, જોકે ટીમે મેદાન પર જે રીતે પ્રદર્શન કર્યું તેનાથી ચોક્કસપણે બધા પ્રભાવિત થયા. ભુવનેશ્વર કુમાર, ફિલ સોલ્ટ, મયંક અગ્રવાલ અને સુયશ શર્મા, જે આ વખતે RCB માટે રમી રહ્યા છે, તે ચાર એવા ખેલાડીઓ છે જે ગઈ સિઝનની ફાઈનલમાં પણ પહોંચ્યા હતા. IPL 2024 સિઝનની ટાઈટલ મેચ કોલકાતા નાઈટ રાઇડર્સ (KKR) અને સનરાઇઝર્સ હૈદરાબાદ (SRH) વચ્ચે રમાઈ હતી, જેમાં ફિલ સોલ્ટ અને સુયશ શર્મા KKRની ટીમનો ભાગ હતા, જ્યારે ભુવનેશ્વર કુમાર અને મયંક અગ્રવાલનો SRHની ટીમમાં હતા.
ચારેય ખેલાડીઓ તેમના પ્રદર્શનથી પ્રભાવિત કર્યા
RCB માટે, આ ચાર ખેલાડીઓને આ સિઝન માટે તેમની ટીમનો ભાગ બનાવવાનો નિર્ણય સંપૂર્ણપણે યોગ્ય સાબિત થયો છે. ભુવનેશ્વર કુમારે બોલિંગમાં 15 મેચમાં 13 વિકેટ લીધી છે, જ્યારે ક્વોલિફાયર-1 મેચમાં સુયશ શર્માનું બોલ સાથે અદ્ભુત પ્રદર્શન જોવા મળ્યું હતું. આ ઉપરાંત, ફિલ સોલ્ટે ઓપનર તરીકે લગભગ દરેક મેચમાં ટીમને ઝડપી શરૂઆત આપવાનું કામ કર્યું હતું. સિઝનના મધ્યમાં દેવદત્ત પડિક્કલના સ્થાને સામેલ થયેલા મયંક અગ્રવાલે પણ LSG સામેની લીગ સ્ટેજની છેલ્લી મેચમાં બેટથી મહત્ત્વપૂર્ણ ઈનિંગ રમી હતી અને ટીમને ટોપ-2માં પહોંચાડી હતી.
