Last Update :
18 Apr 2025
ગઈકાલે મુંબઈના વાનખેડે સ્ટેડિયમમાં મુંબઈ ઈન્ડિયન્સ (MI) નો મુકાબલો સનરાઈઝર્સ હૈદરાબાદ (SRH) સામે થયો હતો. IPL 2025ની આ 33મી મેચમાં, મુંબઈના કેપ્ટન હાર્દિક પંડ્યાએ ટોસ જીતીને પ્રથમ બોલિંગ કરવાનો નિર્ણય લીધો હતો. મેચ શરૂ થાય તે પહેલા MIના ભૂતપૂર્વ કેપ્ટન રોહિત શર્મા (Rohit Sharma) નું સન્માન કરવામાં આવ્યું હતું. BCCIના પ્રમુખ રોજર બિન્નીએ રોહિત શર્માને સ્મૃતિચિહ્ન અર્પણ કર્યું.
GSTVની એપ્લિકેશન ડાઉનલોડ કરો
IPL એ વીડિયો શેર કર્યો
રોહિતને મળેલા આ સન્માનનો વીડિયો IPLના એક્સ એકાઉન્ટ પર શેર કરવામાં આવ્યો છે. આ વીડિયો સાથેના કેપ્શનમાં લખ્યું છે, "મુંબઈ ઈન્ડિયન્સના રોહિત શર્માને BCCI પ્રમુખ રોજર બિન્ની તરફથી ખાસ સ્મૃતિચિહ્ન મળ્યું." આ સાથે, રોહિત (Rohit Sharma) IPL 2025માં સન્માનિત થનાર ત્રીજો ભારતીય ખેલાડી બન્યો છે. આ પહેલા વિરાટ કોહલી અને મહેન્દ્ર સિંહ ધોનીને પણ સન્માનિત કરવામાં આવ્યા છે.
રોહિત 2008થી IPL રમી રહ્યો છે
રોહિત શર્મા (Rohit Sharma) IPLની પહેલી સિઝનથી જ લીગનો ભાગ છે. તે લીગમાં સૌથી વધુ મેચ રમનાર બીજો અને સૌથી વધુ રન બનાવનાર ત્રીજો ખેલાડી છે. રોહિત શર્માએ ડેક્કન ચાર્જર્સમાંથી પોતાની IPL કારકિર્દીની શરૂઆત કરી હતી. તે પહેલી 3 સિઝન માટે આ ફ્રેન્ચાઇઝનો ભાગ હતો. આ પછી, રોહિત MI સાથે જોડાયો. રોહિત 2011થી સતત મુંબઈ માટે રમી રહ્યો છે.
રોહિત શર્માએ અત્યાર સુધીમાં IPLમાં 262 મેચ રમી છે. આ દરમિયાન, તેણે 257 ઈનિંગ્સમાં 29.31ની એવરેજ અને 131.18ની સ્ટ્રાઈક રેટથી 6684 રન બનાવ્યા છે. રોહિતે લીગમાં 2 સદી અને 43 અડધી સદી ફટકારી છે. આ યાદીમાં વિરાટ કોહલી ટોચ પર છે. વિરાટે 258 મેચમાં 8252 રન બનાવ્યા છે. જ્યારે શિખર ધવને 222 મેચમાં 6769 રન બનાવ્યા છે. રોહિત ટૂંક સમયમાં ધવનને પાછળ છોડી શકે છે.
IPLમાં સૌથી વધુ રન
- વિરાટ કોહલી: 8252 રન
- શિખર ધવન: 6769 રન
- રોહિત શર્મા: 6684 રન
- ડેવિડ વોર્નર: 6565 રન
- સુરેશ રૈના: 5528 રન
- એમએસ ધોની: 5373 રન
IPLમાં સૌથી વધુ મેચો
- એમએસ ધોની: 271 મેચ
- રોહિત શર્મા: 262 મેચ
- વિરાટ કોહલી: 258 મેચ
- દિનેશ કાર્તિક: 257 મેચ
- રવિન્દ્ર જાડેજા: 247 મેચ
