સચિનથી લઈને યુવરાજ સુધી, ક્રિકેટર્સ બન્યા Vaibhav Suryavanshiના ફેન્સ, યુવા ખેલાડીની કરી પ્રશંસા

રાજસ્થાન રોયલ્સ (RR) ના 14 વર્ષીય બેટ્સમેન વૈભવ સૂર્યવંશી (Vaibhav Suryavanshi) એ 28 એપ્રિલના રોજ સદી ફટકારીને અનેક રેકોર્ડ બનાવ્યા છે. ગુજરાત ટાઈટન્સ (GT) સામે રમાયેલી મેચમાં તેણે માત્ર 35 બોલમાં સદી ફટકારી હતી, આ સાથે તે IPLના ઈતિહાસમાં સૌથી ઝડપી સદી ફટકારનાર ભારતીય બેટ્સમેન બન્યો હતો. તેણે આ બાબતમાં યુસુફ પઠાણનો રેકોર્ડ તોડ્યો. યુસુફે 2010માં મુંબઈ ઈન્ડિયન્સ સામે 37 બોલમાં પોતાની સદી પૂરી કરી હતી. આ ઈનિંગ જોયા પછી, સચિન તેંડુલકરથી લઈને યુવરાજ સિંહ સુધીના બધા ક્રિકેટર્સ તેના ફેન બની ગયા છે. મેચ સમાપ્ત થયા પછી, બધા દિગ્ગજોએ વૈભવની પ્રશંસા કરી હતી.

GSTVની એપ્લિકેશન ડાઉનલોડ કરો

   

સચિનથી લઈને યુવરાજ સુધી, બધાએ વૈભવના દિલ ખોલીને વખાણ કર્યા

મહાન બેટ્સમેન સચિન તેંડુલકરે વૈભવ વિશે ટ્વિટ કર્યું. તેણે યુવા બેટ્સમેનના નીડર અભિગમની પ્રશંસા કરી. સચિને પોતાની પોસ્ટમાં લખ્યું છે કે, "વૈભવનો નીડર અભિગમ, બેટિંગની ગતિ, શરૂઆતથી લેન્થ ઓળખવી અને બોલ પાછળ પોતાની ઉર્જા ટ્રાન્સફર કરવી એ શાનદાર ઈનિંગની રેસીપી હતી. અંતિમ પરિણામ 38 બોલમાં 101 રન."

https://twitter.com/sachin_rt/status/1916913813049512178

આ પણ વાંચો :

IPL:  14 વર્ષીય વૈભવે માત્ર 35 બોલમાં સદી ફટકારી અનેક રેકોર્ડને તોડી નાખ્યા

VIDEO : રાહુલ દ્રવિડે વૈભવ સૂર્યવંશીની સદી જોવા માટે વ્હીલચેર છોડી, ઠોકર ખાઈને કરી ઉજવણી 

પૂર્વ ભારતીય ક્રિકેટર યુવરાજ સિંહ પણ વૈભવની પ્રશંસા કરતા પોતાને રોકી ન શક્યો. તેણે લખ્યું કે, "14 વર્ષની ઉંમરે તમે શું કરી રહ્યા હતા? આ બાળક આંખ મીંચ્યા વિના દુનિયાના શ્રેષ્ઠ બોલરોનો સામનો કરી રહ્યો છે! વૈભવ સૂર્યવંશી, નામ યાદ છે! નિર્ભય વલણ સાથે રમવું! આવનારી પેઢીને ચમકતી જોઈને ખૂબ ગર્વ થાય છે!"

https://twitter.com/YUVSTRONG12/status/1916904028983988449

આ પણ વાંચો :

RR vs GT / 'હું કોઈથી નથી ડરતો', 14 વર્ષના Vaibhav Suryavanshi એ બોલરોને ખુલ્લેઆમ આપી ચેતવણી

VIDEO / 'પિતા એ મારા માટે કામ છોડ્યું...', 14 વર્ષીય Vaibhav Suryavanshi એ જણાવી તેના સંઘર્ષની કહાની

યુસુફ પઠાણે પણ પોતાનો 15 વર્ષ જૂનો રેકોર્ડ તૂટ્યા બાદ પ્રતિક્રિયા આપી. ભૂતપૂર્વ ખેલાડીએ X પર પોસ્ટ કરી અને લખ્યું, "વૈભવ સૂર્યવંશીને મારો રેકોર્ડ તોડવા બદલ અભિનંદન. તે હવે IPLમાં સૌથી ઝડપી સદી ફટકારનાર ભારતીય ખેલાડી બની ગયો છે. રાજસ્થાન રોયલ્સ તરફથી રમતી વખતે આવું બનતું જોવું વધુ ખાસ છે. યુવાનો માટે આ ફ્રેન્ચાઈઝીમાં ખરેખર કંઈક જાદુઈ છે. હજુ ઘણો લાંબો રસ્તો કાપવાનો છે, ચેમ્પિયન." આ સિવાય રોહિત શર્મા, સૂર્યકુમાર યાદવ, રોબિન ઉથપ્પા, હરભજન સિંહ જેવા દિગ્ગજ ખેલાડીઓએ પણ વૈભવના વખાણ કર્યા છે.

https://twitter.com/iamyusufpathan/status/1916905414463263114

https://twitter.com/harbhajan_singh/status/1916901355425616370

https://twitter.com/surya_14kumar/status/1916909688568058001

આવી રહી મેચ

મેચની વાત કરીએ તો, GT એ પ્રથમ બેટિંગ કરતા RRને જીતવા માટે 210 રનનો ટાર્ગેટ આપ્યો હતો. RRની ટીમે 15.5 ઓવરમાં 2 વિકેટ ગુમાવીને આ ટાર્ગેટ ચેઝ કર્યો. વૈભવ સૂર્યવંશી (Vaibhav Suryavanshi) ને તેની શાનદાર ઈનિંગ માટે પ્લેયર ઓફ ધ મેચનો એવોર્ડ મળ્યો. તેના ઉપરાંત યશસ્વી જયસ્વાલે પણ 70 રનની અણનમ ઈનિંગ રમી હતી.