Last Update :
23 Mar 2025
શનિવારે કોલકાતાના ઈડન ગાર્ડન્સ ખાતે ઈન્ડિયન પ્રીમિયર લીગની 18મી સિઝનની ઓપનિંગ સેરેમનીમાં બોલિવૂડ અભિનેત્રી દિશા પટણીએ પરફોર્મ કર્યું હતું. શ્રેયા ઘોષાલના પર્ફોર્મન્સ પછી, દિશાએ પર્ફોર્મન્સ આપ્યું હતું. પરંતુ લોકોને દિશાનું પરફોર્મન્સ એટલું પસંદ ન આવ્યું જેટલું તેઓ સામાન્ય રીતે પસંદ કરે છે.
GSTVની એપ્લિકેશન ડાઉનલોડ કરો
દિશા પટણીનું IPLમાં પ્રદર્શન
IPL ઓપનિંગ સેરેમનીમાં દિશાનું આ બીજું પર્ફોર્મન્સ હતું અને તેણે 2020માં આવેલી ટાઈગર શ્રોફ અભિનીત ફિલ્મ બાગી 3 ના ગીત 'ડુ યુ લવ મી' થી પોતાના ડાન્સ પર્ફોર્મન્સની શરૂઆત કરી હતી.
જોકે, નેટીઝન્સ તેના ડાન્સ મૂવ્સથી ખૂબ નિરાશ અને હતાશ જણાતા હતા કારણ કે તે ભાગ્યે જ તેના સ્ટેપ્સ કરી રહી હતી. એટલું જ નહીં, દિશાનું પરફોર્મન્સ એટલું ખરાબ હતું કે તેને વચ્ચેથી જ રોકવું પડ્યું.
દિશાનો લુક
જોકે, પછીથી પરફોર્મન્સ ફરી શરૂ થયું અને તેણે તેના ગીત પર ડાન્સ કરવાનું ચાલુ રાખ્યું. અભિનેત્રીના લુક વિશે વાત કરીએ તો, તે ચમકતી બ્રાલેટ, મેચિંગ મીની સ્કર્ટ અને ગ્લોવ્ઝ સાથે જોવા મળી હતી.
લોકોએ દિશાને ટ્રોલ કરી
એક યુઝરે લખ્યું, "તેઓએ દિશા પટણીનું પરફોર્મન્સ અધવચ્ચે જ અટકાવી દીધું." બીજા એક યુઝરે કહ્યું, "અત્યાર સુધીની સૌથી ખરાબ IPL ઓપનિંગ સેરેમનીમાંથી એક. ઝીરો એનર્જી. ઝીરો પરફોર્મન્સ. જ્યારે તમે દિશા પટણીને લાવો છો ત્યારે તમે સારી વસ્તુઓની અપેક્ષા નથી રાખી શકતા. આ મજાક છે." ત્રીજા યુઝરે લખ્યું, "દિશા પટણીના પરફોર્મન્સને અડધું કરવા બદલ @StarSportsIndiaનો આભાર, કરણ ઔજલાએ સારું પરફોર્મ કર્યું."
કરણ ઔજલાએ શાનદાર પર્ફોર્મન્સ આપ્યું
તમને જણાવી દઈએ કે, દિશા પછી, પંજાબી ગાયક કરણ ઔજલાએ સ્ટેજ પર 'વેવી', 'સોફ્ટલી' અને 'તૌબા તૌબા' જેવા હિટ ગીતો પરફોર્મ કર્યા હતા. તેણે વન રિપબ્લિકના રાયન ટેડર સાથે તેનું તાજેતરમાં રિલીઝ થયેલ 'ટ્રેક ટેલ મી' પણ ગયું, જેમાં દિશા પણ તેની સાથે સ્ટેજ પર જોડાઈ હતી.
શાહરૂખ ખાને ઓપનિંગ સેરેમની હોસ્ટ કરી
ઓપનિંગ સેરેમનીની શરૂઆત KKRના માલિક અને બોલિવૂડ સુપરસ્ટાર શાહરૂખ ખાને કરી હતી. તેણે ટૂર્નામેન્ટની 18મી સિઝન IPL 2025ની શરૂઆત માટે એક સુંદર ભાષણ પણ આપ્યું. જેમાં તેણે તેની ફિલ્મ 'પઠાણ' નો ડાયલોગ પણ બોલ્યો હતો, "જો તમે પઠાણના ઘરે પાર્ટીનું આયોજન કરશો, તો પઠાણ ચોક્કસપણે સ્વાગત કરવા આવશે અને ફટાકડા પણ લાવશે. તો, ચાલો પહેલાની જેમ ઉજવણી શરૂ કરીએ."
