Last Update :
03 May 2025
શુક્રવારે અમદાવાદના નરેન્દ્ર મોદી સ્ટેડિયમ ખાતે ગુજરાત ટાઇટન્સે સનરાઇઝર્સ હૈદરાબાદને 38 રનથી હરાવ્યું અને પોઈન્ટ ટેબલમાં બીજા સ્થાને પહોંચી ગયું. ટોસ હારીને પ્રથમ બેટિંગ કરવાનો નિર્ણય લીધા બાદ GTએ 20 ઓવરમાં 6 વિકેટ ગુમાવીને 224 રનનો વિશાળ સ્કોર બનાવ્યો અને પછી SRH ને 20 ઓવરમાં 186 રન જ બનાવી શકી. આ મેચની સૌથી ખાસ વાત એ હતી કે ગુજરાત ટાઇટન્સે તેની 20 ઓવરની ઇનિંગ્સમાં ફક્ત 22 ડોટ બોલ રમ્યા અને પાંચ વર્ષ પહેલા બનાવેલા રેકોર્ડને તોડ્યો.
GSTVની એપ્લિકેશન ડાઉનલોડ કરો
જીટીના રેકોર્ડ પર ગિલે કહ્યું- મેં તેની કલ્પના પણ નહોતી કરી
મેચ બાદ ગુજરાત ટાઇટન્સના કેપ્ટન શુભમન ગિલે કહ્યું કે 20 ઓવરમાં ફક્ત 22 ડોટ બોલ રમવાનો રેકોર્ડ બનાવ્યા પછી તેણે ચોક્કસપણે આની કલ્પના પણ નહોતી કરી. અમારી વાતચીત ફક્ત એ જ હતી કે ચાલો આપણે અત્યાર સુધી જે રમત રમી રહ્યા છીએ તે રમવાનો પ્રયાસ કરીએ. તેણે કહ્યું, 'કાળી માટીની પિચ પર છગ્ગા મારવા સહેલા નથી, પરંતુ હું, સાઈ અને જોસ જે રીતે રમીએ છીએ, મને લાગે છે કે આપણે સમજીએ છીએ કે સ્કોરબોર્ડને કેવી રીતે ગતિમાન રાખવું.'
અમ્પાયર સાથેની દલીલ અંગે આ કહ્યું
તેણે કહ્યું મને નથી લાગતું કે આપણે ક્યારેય એવી વાતચીત કરી હોય, જેમાં આપણામાંથી કોઈ એક મેદાન પર હોવું જોઈએ. આપણે બધા રન બનાવવા અને ટીમ માટે શ્રેષ્ઠ પ્રદર્શન કરવા માટે ઉત્સુક અને ભૂખ્યા છીએ. તેમજ અમ્પાયર સાથેની તેની દલીલ અંગે, તેમણે કહ્યું કે મારી અને અમ્પાયર વચ્ચે થોડી ચર્ચા થઈ હતી. ક્યારેક જ્યારે તમે તમારું 110 ટકા આપો છો, ત્યારે કેટલીક ભાવનાઓ આવી પણ થાય છે.
IPLની એક ઇનિંગમાં સૌથી ઓછા ડોટ બોલ રમાયા (પૂર્ણ 20 ઓવર)
22 – ગુજરાત ટાઇટન્સ વિરુદ્ધ સનરાઇઝર્સ હૈદરાબાદ, અમદાવાદ, 2025*
22 – સનરાઇઝર્સ હૈદરાબાદ વિરુદ્ધ મુંબઈ ઇન્ડિયન્સ હૈદરાબાદ, 2024
23– દિલ્હી કેપિટલ્સ વિરુદ્ધ કોલકાતા નાઈટ રાઈડર્સ, શારજાહ, 2020
23 – રોયલ ચેલેન્જર્સ બેંગ્લોર વિરુદ્ધ સનરાઇઝર્સ હૈદરાબાદ, હૈદરાબાદ, 2024
24 – સનરાઇઝર્સ હૈદરાબાદ વિરુદ્ધ પંજાબ કિંગ્સ, મોહાલી, 2017
24 – ગુજરાત ટાઇટન્સ વિરુદ્ધ ચેન્નાઈ સુપર કિંગ્સ, અમદાવાદ, 2024
