Last Update :
17 Apr 2025
IPL 2025ની 33મી મેચ આજે હાર્દિક પંડ્યાની આગેવાની હેઠળની મુંબઈ ઈન્ડિયન્સ (MI) અને પેટ કમિન્સની આગેવાની હેઠળની સનરાઈઝર્સ હૈદરાબાદ (SRH) વચ્ચે રમાશે. આ મેચ મુંબઈના વાનખેડે ક્રિકેટ સ્ટેડિયમમાં રમાશે. મેચ પહેલા જાણો બંને ટીમોનો હેડ ટૂ હેડ રેકોર્ડ કેવો છે, કઈ ટીમ પાસે આજની મેચ જીતવાની વધુ શક્યતાઓ છે?
GSTVની એપ્લિકેશન ડાઉનલોડ કરો
સતત હાર બાદ, SRH એ છેલ્લી મેચમાં પંજાબ કિંગ્સ (PBKS) ને હરાવ્યું હતું, ટીમ આ જીતનો સિલસિલો જાળવી રાખવા માંગશે. બીજી તરફ છેલ્લી કેટલીક મેચો હાર્દિક પંડ્યા અને MI માટે સારી નહતી, પરંતુ છેલ્લી મેચમાં તેણે DCને દિલ્હીમાં જ હરાવ્યું હતું. બંને ટીમોનું મનોબળ ઊંચું છે પરંતુ આજે એક ટીમને ફરીથી હારનો સામનો કરવો પડશે.
આજે મુંબઈમાં હવામાન કેવું રહેશે?
આજે મુંબઈમાં મેચ માટે હવામાન સારું રહેશે. વરસાદની કોઈ શક્યતા નથી, તાપમાન પણ 28 ડિગ્રી સેલ્સિયસ સુધી રહેશે. ભેજનું પ્રમાણ 77 ટકા રહેશે અને પવનની ગતિ 14 કિલોમીટર પ્રતિ કલાક રહેશે.
પોઈન્ટ્સ ટેબલમાં MI અને SRH
MI 6માંથી ફક્ત 2 મેચ જીતી શક્યું છે. 4 પોઈન્ટ સાથે, ટીમ પોઈન્ટ્સ ટેબલમાં 7મા સ્થાને છે. જો ટીમ આજે મોટા માર્જિનથી નહીં જીતે, તો પોઈન્ટ્સ ટેબલમાં તેનું સ્થાન એ જ રહેશે. જ્યારે SRH પણ 6માંથી 2 મેચ જીતી છે અને 4 પોઇન્ટ ધરાવે છે. પેટ કમિન્સની આગેવાની હેઠળની આ ટીમ પોઈન્ટ્સ ટેબલમાં 9મા સ્થાને છે. જો હૈદરાબાદ આજે જીતે છે, તો તે 9મા સ્થાનેથી 7મા સ્થાને પહોંચી જશે.
હેડ ટૂ હેડ રેકોર્ડ
MI અને SRH વચ્ચે કુલ 23 મેચ રમાઈ છે. જેમાંથી MI એ 13 મેચ જીતી છે અને SRH એ 10 મેચ જીતી છે. SRH સામે MIનો હાઈએસ્ટ સ્કોર 246 છે અને MI સામે SRHનો હાઈએસ્ટ સ્કોર 277 રન છે.
મેચ પ્રિડિક્શન
વાનખેડે MIનું હોમ ગ્રાઉન્ડ છે, અહીં રમાયેલી 2 મેચમાંથી MIએ એકમાં જીત મેળવી છે અને એકમાં હારનો સામનો કરવો પડ્યો છે. SRH માટે સારી વાત એ છે કે મેદાન બેટ્સમેન માટે મદદરૂપ છે અને આ SRHની તાકાત પણ છે. જીતની શક્યતાઓ વિશે વાત કરીએ તો, આગાહી એ છે કે SRHમાં આજે જીતવાની સારી તક છે.
MI અને SRH વચ્ચેની આજની મેચ વાનખેડે સ્ટેડિયમ ખાતે સાંજે 7:30 વાગ્યાથી રમાશે. આ મેચનું લાઈવ ટેલિકાસ્ટ સ્ટાર સ્પોર્ટ્સ નેટવર્ક પર અને લાઈવ સ્ટ્રીમિંગ JioHotstar પર કરવામાં આવશે.
