રવિન્દ્ર જાડેજાએ બનાવ્યો નવો રેકોર્ડ, IPLના ઈતિહાસમાં આ કારનામું કરનાર પ્રથમ ખેલાડી બન્યો

IPLની 18મી સિઝનમાં, રોયલ ચેલેન્જર્સ બેંગલુરુનું મેદાન પર શાનદાર પ્રદર્શન જોવા મળી રહ્યું છે, જેમાં તેણે પોતાની પહેલી મેચ 7 વિકેટથી જીતી હતી, જ્યારે બીજી મેચમાં ચેન્નાઈ સુપર કિંગ્સને 50 રનથી હરાવ્યું હતું. આ મેચ ભલે RCBએ જીતી હોય, પરંતુ CSKના સ્ટાર ઓલરાઉન્ડર રવિન્દ્ર જાડેજાએ એક મોટી સિદ્ધિ હાંસલ કરી છે. તેણે પોતાની IPL કારકિર્દીમાં 3000 રનનો આંકડો પૂર્ણ કર્યો છે. આ સાથે, જાડેજાએ IPLમાં એક ખાસ રેકોર્ડ બનાવ્યો જે આ T20 લીગના 18 વર્ષના ઈતિહાસમાં પહેલાં કોઈ ખેલાડી હાંસલ નથી કરી શક્યો.

GSTVની એપ્લિકેશન ડાઉનલોડ કરો

   

IPLમાં 3000 પ્લસ રન અને 150થી વધુ વિકેટ 

રવિન્દ્ર જાડેજાએ RCB સામેની મેચમાં 25 રનની ઈનિંગ રમી હતી, આ સાથે તેણે IPLમાં 3000 રન પૂરા કર્યા હતા. જાડેજા હવે IPLમાં ત્રણ હજારથી વધુ રન બનાવવાની સાથે 150થી વધુ વિકેટ લેનાર પ્રથમ ખેલાડી બની ગયો છે. તેના પહેલા, IPLના 18 વર્ષના ઈતિહાસમાં કોઈપણ ખેલાડી આ સિદ્ધિ હાંસલ નથી કરી શક્યો. જાડેજાએ અત્યાર સુધીમાં IPLમાં કુલ 242 મેચ રમી છે, જેમાં તેણે 186 ઈનિંગ્સમાં 27.28ની એવરેજથી 3001 રન બનાવ્યા છે. જાડેજાના નામે IPLમાં ત્રણ અડધી સદી પણ છે.

જો આપણે IPLમાં રવિન્દ્ર જાડેજાના બોલિંગ પ્રદર્શન પર નજર કરીએ તો તે પણ શાનદાર રહ્યું છે, તેણે 242 મેચની 213 ઈનિંગ્સમાં બોલિંગ કરતી વખતે 30.76ની એવરેજથી 160 વિકેટ લીધી છે. આ સમયગાળા દરમિયાન, તેનું શ્રેષ્ઠ બોલિંગ પ્રદર્શન 16 રનમાં 5 વિકેટ રહ્યું છે. IPLમાં બોલ સાથે જાડેજાનો ઈકોનોમી રેટ 7.64 છે. રવિન્દ્ર જાડેજાની ગણતરી હાલમાં વિશ્વ ક્રિકેટના શ્રેષ્ઠ ઓલરાઉન્ડર ખેલાડીઓમાં થાય છે.

આ પણ વાંચો :

અક્ષર પટેલથી હાર્દિક પંડ્યા સુધી, IPL 2025માં કઇ ટીમમાં કેટલા ગુજરાતી ખેલાડી

જ્યાં કોહલી-કુંબલે જેવા દિગ્ગજ થયા ફેલ, ત્યાં રજત પાટીદારે રચ્યો ઈતિહાસ, 6155 દિવસ પછી RCBને અપાવી જીત