Last Update :
16 Feb 2025
ભૂતપૂર્વ ક્રિકેટર રવિચંદ્રન અશ્વિને ચેમ્પિયન્સ ટ્રોફી 2025 માટે ટીમ ઈન્ડિયાની પસંદગી પર પ્રશ્નો ઉઠાવ્યા છે. જસપ્રીત બુમરાહ ઈજાના કારણે ચેમ્પિયન્સ ટ્રોફીમાંથી પહેલાથી જ બહાર થઈ ગયો છે. તેની ગેરહાજરીમાં, સિલેક્ટર્સે ટીમમાં ફક્ત 3 ફાસ્ટ બોલરોને સ્થાન આપ્યું છે, પરંતુ અશ્વિનને આશ્ચર્ય થયું છે કે ટીમ ઈન્ડિયા 5 સ્પિન બોલરો સાથે દુબઈ જવા રવાના થઈ ગઈ છે. જ્યારે શરૂઆતની ટીમ જાહેર કરવામાં આવી ત્યારે તેમાં ચાર સ્પિન બોલરોનો સમાવેશ કરવામાં આવ્યો હતો, હવે બુમરાહની ગેરહાજરીમાં વરુણ ચક્રવર્તીને ODI ટીમમાં તક મળી.
GSTVની એપ્લિકેશન ડાઉનલોડ કરો
રવિચંદ્રન અશ્વિને તાજેતરમાં જ પોતાની યુટ્યુબ ચેનલ દ્વારા નિરાશા વ્યક્ત કરી હતી અને કહ્યું હતું કે સિલેક્ટર્સે ટીમની પસંદગીમાં ભૂલ કરી છે. તેના મતે, ટીમ ઈન્ડિયામાં 2 વધારાના સ્પિનર છે. તે જ સમયે, તેણે યશસ્વી જયસ્વાલને રિઝર્વ લિસ્ટમાં સામેલ કરવાની ટીકા કરી હતી.
5 સ્પિનર સાથે લઈ જવા સૌથી મોટી ભૂલ
રવિચંદ્રન અશ્વિને કહ્યું, "મને સમજાતું નથી કે 5 સ્પિનર સાથે દુબઈ કેમ ગયા છે. 5 સ્પિનર અને બીજી તરફ યશસ્વી જયસ્વાલને બહાર કરવામાં આવ્યો છે. હું સમજી શકું છું કે સામાન્ય રીતે ટૂર પર 3-4 સ્પિનરને લઈ જવામાં આવે છે, પરંતુ દુબઈ માટે 5 સ્પિનર, હું આ વિશે કંઈ નથી કહી શકતો."
ટીમ કોમ્બિનેશન બગડશે
અશ્વિનના મતે, ટીમ ઈન્ડિયા 2 વધારાના સ્પિનર સાથે દુબઈ જવા રવાના થઈ ગઈ છે. અશ્વિને કહ્યું, "હાર્દિક પંડ્યા સાથે 2 લેફ્ટ આર્મ સ્પિનર તમારા માટે શ્રેષ્ઠ ઓલરાઉન્ડર છે. અક્ષર અને જાડેજા રમશે, હાર્દિક અને કુલદીપ પણ રમશે. હવે જો તમે વરુણ ચક્રવર્તીને પણ રમવા માંગતા હોવ, તો એક ફાસ્ટ બોલરને બહાર બેસવું પડશે અને હાર્દિક બીજા ફાસ્ટ બોલરની ભૂમિકા ભજવશે. નહીં તો તમારે ત્રીજા ફાસ્ટ બોલરને લાવવા માટે સ્પિનરને બહાર રાખવો પડશે." અશ્વિને એ પણ પ્રશ્ન ઉઠાવ્યો કે શું ટીમ ઈન્ડિયા દુબઈની પીચો પરથી ઘણા ટર્નની અપેક્ષા રાખી રહી છે.
