WTC 2025 FINAL / સાઉથ આફ્રિકા અને ઓસ્ટ્રેલિયા વચ્ચેની ફાઈનલ થઈ ડ્રો, તો કોને મળશે ટાઈટલ અને પ્રાઈઝ મની?

ICC વર્લ્ડ ટેસ્ટ ચેમ્પિયનશિપ (WTC) ની ફાઈનલ સાઉથ આફ્રિકા અને ઓસ્ટ્રેલિયા વચ્ચે રમાશે. આ મેચ લંડનના લોર્ડ્સ ક્રિકેટ ગ્રાઉન્ડ પર રમાશે. 11થી 15 જૂન દરમિયાન યોજાનારી આ મેચમાં વરસાદ પડવાની શક્યતા છે. તો જો આ મેચ ડ્રો થાય છે, તો કોણ વિજેતા બનશે? કયો નિયમ લાગુ પડશે અને રિઝર્વ ડેનો નિયમ શું છે? ચાલો આ બધા વિશે જાણીએ.

GSTVની એપ્લિકેશન ડાઉનલોડ કરો

   

આ ICC WTCની ત્રીજી ફાઈનલ છે. તેની પ્રથમ એડિશનની ફાઈનલમાં, ન્યુઝીલેન્ડે ભારતને હરાવીને ટાઈટલ જીત્યું હતું. ઓસ્ટ્રેલિયાએ બીજી ફાઈનલમાં ભારતને હરાવ્યું હતું. આ વખતે ભારત ફાઈનલમાં નથી પહોંચી શક્યું.

સાઉથ આફ્રિકા ટેમ્બા બાવુમાની કેપ્ટનશિપમાં પહેલી વાર WTC ફાઈનલ રમશે. જ્યારે ઓસ્ટ્રેલિયા સતત બીજી વખત ફાઈનલમાં પહોંચ્યું છે, ત્યારે તે તેનું બીજું ટાઈટલ જીતવા માંગશે. તમને જણાવી દઈએ કે આ ફાઈનલ માટે એક રિઝર્વ ડે પણ રાખવામાં આવ્યો છે.

આ પણ વાંચો :

ICC એ WTC ફાઈનલ માટે જાહેર કરી બમ્પર પ્રાઈઝ મની, ટાઈટલ જીતનાર ટીમ પર થશે પૈસાનો વરસાદ

WTC 2025 / ICC એ કરી મોટી જાહેરાત, વર્લ્ડ ટેસ્ટ ચેમ્પિયનશિપ ફાઈનલમાં થઈ 2 ભારતીયોની એન્ટ્રી

ફાઈનલનું શેડ્યૂલ

• તારીખ- 11થી 15 જૂન
• રિઝર્વ ડે- 16 જૂન
• સમય- ભારતીય સમય મુજબ બપોરે 3:00 વાગ્યે
• સ્થળ- લોર્ડ્સ ક્રિકેટ ગ્રાઉન્ડ

WTC ફાઈનલમાં એક રિઝર્વ ડે છે, જે વરસાદને કારણે મેચ વિક્ષેપિત થવા અથવા ઓછા પ્રકાશને કારણે મેચ વહેલા સમાપ્ત થવાને કારણે ભરપાઈ કરવા માટે રાખવામાં આવ્યો છે. હવે પ્રશ્ન એ છે કે મેચ ડ્રો થાય તો કયો નિયમ લાગુ પડે છે? 

WTC 2025 ફાઈનલમાં વરસાદ પડે તો કોણ વિજેતા બનશે?

WTC 2023-25​​ના પોઈન્ટ ટેબલમાં સાઉથ આફ્રિકા પ્રથમ અને ઓસ્ટ્રેલિયા બીજા ક્રમે હતું. પરંતુ જો ફાઈનલ ડ્રો થાય છે, તો આ આધારે વિજેતા જાહેર નથી કરવામાં આવતો. નિયમ 16.3.3 હેઠળ, જો ફાઈનલ ડ્રો થાય છે, તો બંને ટીમોને વિજેતા જાહેર કરવામાં આવશે. અને મપ્રાઈઝ મની બંને ટીમો વચ્ચે સમાન રીતે વહેંચવામાં આવશે.

આ પણ વાંચો :

પીયૂષ ચાવલાએ અચાનક ક્રિકેટના દરેક ફોર્મેટમાંથી નિવૃત્તિ લીધી, જાણો શું કહ્યું

ગિલ અને ગંભીર માટે ઈંગ્લેન્ડ પ્રવાસ અગ્નિપરીક્ષા સમાન, ધોની-કોહલી જે ન કરી શક્યા શું શુભમન કરી શકશે તે કામ?

WTC 2025ની પ્રાઈઝ મની

WTC 2025ની ફાઈનલ જીતનાર ટીમને 3,600,000 યુએસ ડોલર મળશે. ભારતીય ચલણમાં આ લગભગ 30 કરોડ રૂપિયા હશે. રનર-અપ એટલે કે હારનાર ટીમને લગભગ 18 કરોડ રૂપિયા મળશે.

લોર્ડ્સ ક્રિકેટ ગ્રાઉન્ડ પિચ અને હવામાન રિપોર્ટ

11 જૂન પહેલા અને પછી લંડનમાં વરસાદની શક્યતા છે. હવામાન રિપોર્ટ અનુસાર, 11થી 15 જૂન દરમિયાન વાતાવરણ વાદળછાયું રહેશે, વરસાદની શક્યતા છે.

લોર્ડ્સ ક્રિકેટ ગ્રાઉન્ડની પિચ ફાસ્ટ બોલર માટે મદદરૂપ છે. અહીં સારો બાઉન્સ અને સ્વિંગ છે. અહીં પ્રથમ ઈનિંગમાં એવરેજ સ્કોર 310 છે. જેમ જેમ રમત આગળ વધશે તેમ તેમ અહીંની પરિસ્થિતિ બેટ્સમેન માટે વધુ પડકારજનક બનશે. આ મેચમાં, જે ટીમની બોલિંગ સારી હશે તે જીતશે. અત્યાર સુધીમાં અહીં 147 ટેસ્ટ મેચ રમાઈ છે, જેમાંથી પહેલા બેટિંગ કરનારી ટીમ 53 વખત જીતી છે અને પહેલા બોલિંગ કરનારી ટીમ 43 વખત જીતી છે.