Last Update :
01 May 2025
નેશનલ પેમેન્ટ્સ કોર્પોરેશન ઓફ ઈન્ડિયા (NPCI) દ્વારા નવી માર્ગદર્શિકા જારી કરવામાં આવી છે, જેનો લાભ UPI વપરાશકર્તાઓને મળશે. 16 જૂન 2025થી UPI વ્યવહારો (ડેબિટ કાર્ડ અને ક્રેડિટ કાર્ડ બંને આધારિત) હવે ફક્ત 15 સેકન્ડમાં થશે. પહેલા તેમાં 30 સેકન્ડ લાગતું હતું. નવા આદેશમાં વિવિધ નાણાકીય અને બિન-નાણાકીય UPI પ્રવૃત્તિઓ માટે API પ્રતિભાવ સમયમાં ફેરફાર કરવામા આવ્યો છે.
GSTVની એપ્લિકેશન ડાઉનલોડ કરો
NPCI એ તમામ UPI નેટવર્ક ભાગીદારો જેમ કે બેંકો અને થર્ડ પાર્ટી એપ્લિકેશનો (ફોનપે, ગૂગલ પે, પેટીએમ વગેરે) ને ટ્રાન્ઝેક્શન પ્રક્રિયાની ગતિને વધુ વધારવા માટે તેની સિસ્ટમમાં તકનીકી સુધારા કરવા નિર્દેશ આપ્યો છે. આ સુધારાથી એન્ડ યૂઝરને સીધો ફાયદો થશે અને હવે ચુકવણીઓ ઝડપથી કરી શકાશે.
NPCI એ બેંકો અને થર્ડ પાર્ટી UPI એપ્સને તેની સિસ્ટમને એવી રીતે અપડેટ કરવાનો નિર્દેશ આપ્યો છે કે જેથી તમામ પ્રકારના UPI વ્યવહારો, પછી ભલે તે ડેબિટ કાર્ડ આધારિત હોય કે ક્રેડિટ કાર્ડ આધારિત, હવે ફક્ત 15 સેકન્ડમાં પૂર્ણ થઈ જશે. UPI ટ્રાન્ઝેક્શનનો સમય ઘટાડીને 15 સેકન્ડ કરવામાં આવ્યો. પહેલા જ્યાં ટ્રાન્ઝેક્શન પ્રોસેસિંગ માટે 30 સેકન્ડ સુધીની મંજૂરી હતી, તે હવે અડધી કરવામાં આવી છે.
API Response સમયમાં ફેરફાર
બધી નાણાકીય (દા.ત. ચુકવણીઓ, ટ્રાન્સફર) અને બિન-નાણાકીય (દા.ત. બેલેન્સ ચેક, પિન ફેરફાર) UPI પ્રવૃત્તિઓ માટે API Response સમય અપડેટ કરવામાં આવ્યો છે. બધી બેંકો અને ચુકવણી એપ્લિકેશનો માટે નવા સમયરેખા ધોરણોનું પાલન કરવું ફરજિયાત રહેશે નહીંતર તેની સામે કાર્યવાહીનો સામનો કરવો પડી શકે છે.
UPI વપરાશકર્તાઓને કયા ફાયદા મળશે?
1. ઝડપી અને વિશ્વસનીય અનુભવ
વ્યવહારનો સમય ઘટાડવાથી વપરાશકર્તાઓને તાત્કાલિક ચુકવણીનો અનુભવ મળશે, જે ખાસ કરીને દુકાનો, મોલ્સ અને ઓનલાઇન શોપિંગ પર તેને અનુકૂળ બનાવશે.
2. ઓછો નિષ્ફળતા દર
જ્યારે વ્યવહારો ઝડપથી પૂર્ણ થશે, ત્યારે નિષ્ફળતા અથવા ટાઇણ આઉટ જેવી સમસ્યાઓ પણ ઓછી થશે.
૩. ભીડના સમયે રાહત
આ ઝડપી ગતિ તહેવારોની ઋતુઓ, રજાઓ અથવા ટ્રાફિક વધુ હોય ત્યારે વેચાણ દરમિયાન ફાયદાકારક સાબિત થશે.
બેંકો અને એપ્લિકેશનોની જવાબદારી
NPCI એ બધા UPI ભાગીદારોને તેના ઇન્ફ્રાસ્ટ્રક્ચર અને API ગેટવેને આમાં અપગ્રેડ કરવા કહ્યું છે.
- નેટવર્કમાં કોઈ વિલંબ ન થવો જોઈએ,
- સિસ્ટમની ક્ષમતા ઊંચી હોય,
- અને વપરાશકર્તાને કોઈપણ વિક્ષેપ વિના સેવા મળે.
જો કોઈ બેંક કે એપ નિર્ધારિત મર્યાદામાં વ્યવહારો કરવામાં નિષ્ફળ જાય, તો તેની સામે કાર્યવાહી થઈ શકે છે.
NPCIના આ પગલાથી ભારતની ડિજિટલ અર્થવ્યવસ્થાને વધુ વેગ મળશે. દેશમાં UPI દ્વારા દર મહિને 1,200 કરોડથી વધુ ટ્રાન્ઝેક્શન થઈ રહ્યા છે. આવી સ્થિતિમાં ટ્રાન્ઝેક્શન પ્રોસેસિંગ સમયમાં ઘટાડો એ એક મોટો ટેકનોલોજીકલ સુધારો છે, જે ભારતને 'કેશલેસ' અને 'ઝડપી ચુકવણી અર્થતંત્ર' તરફ વધુ ઝડપથી લઈ જશે.
