અમેરિકન પ્રમુખ તરીકે સત્તા હાંસલ કર્યા પછી ડોનાલ્ડ ટ્રમ્પે ટેરિફ સહિતના પગલાં લઈને દુનિયાના દેશો સાથે રીતસરનું ટ્રેડ વૉર શરુ કરી દીધું છે. આ વિવાદ ચરમસીમાએ પહોંચી ગયો છે, ત્યારે ચીનની જિનપિંગ સરકારે પણ વળતો પ્રહાર કરતાં ડિલિવરી માટે અમેરિકાના બોઇંગ વિમાનોના ઉપયોગ પર પ્રતિબંધ મૂકી દીધો છે. ચીન સરકારે એરલાઇન્સને આદેશ આપ્યો છે કે, તેઓ અમેરિકા પાસેથી એરક્રાફ્ટના સાધનો અને પાર્ટ્સ ખરીદવાનું પણ બંધ કરી દે. આ પહેલા પણ ચીન અમેરિકાના ટેરિફ સામે કુલ 125% ટેરિફ ઝીંકીને ટ્રમ્પને જડબાતોડ જવાબ આપી ચૂક્યું છે.

