Last Update :
13 Apr 2025
મારુતિ વેગનઆર (Maruti WagonR) સતત ચાર નાણાકીય વર્ષ 2022, 2023, 2024 અને 2025 માટે ભારતમાં સૌથી વધુ વેચાતી કાર રહી છે. મારુતિ વેગનઆર (Maruti WagonR) વેચાણમાં હંમેશા આગળ રહે છે. મારુતિ સુઝુકી વેગનઆરની એક્સ-શોરૂમ કિંમત 5.65 લાખથી શરૂ થઈને 7.48 લાખ સુધી જાય છે. જોકે, આ પ્રાઈઝ ટેન્જમાં ટાટા ટિયાગો, ટાટા પંચ, હ્યુન્ડાઇ ગ્રાન્ડ i10 જેવા ઘણા લોકપ્રિય વિકલ્પો છે. આમ છતાં લોકો ફક્ત વેગનઆર (WagonR) ખરીદવાનું પસંદ કરે છે. અહીં જાણો એવા 5 કારણો જેના કારણે વેગનઆર ભારતીયોની પહેલી પસંદ બની રહી છે.
GSTVની એપ્લિકેશન ડાઉનલોડ કરો
Practical અને Spacious ડિઝાઇન
વેગનઆરની (WagonR) ઊંચી ડિઝાઇન તેને ખૂબ જ Practical બનાવે છે. કારમાં વધુ હેડરૂમ મળી જાય છે, જેના કારણે ઊંચા લોકોને પણ આરામદાયક બેસવાની જગ્યા મળે છે. અંદર સારી જગ્યા મળે છે, તેથી 5-6 લોકો આરામથી બેસી શકે છે. સામાન રાખવા માટે ખૂબ મોટી બૂટ સ્પેસ પણ છે. ગ્રાઉન્ડ ક્લિયરન્સ પણ સારું છે, તેથી ખરાબ રસ્તાઓ પર વાહન ચલાવવામાં કોઈ સમસ્યા નથી રહેતી. એકંદરે આ કાર પછી ભલે તે શહેરમાં રોજિંદા ઉપયોગ માટે હોય કે કૌટુંબિક સફર માટે દરેક જગ્યાએ ફિટ રહે છે.
વધુ સારું માઇલેજ અને ઓછી જાળવણી
ભારતીય ગ્રાહકો માઇલેજને ખૂબ મહત્ત્વ આપે છે અને વેગનઆર (WagonR) આમાં ટોચ પર છે. કારનું પેટ્રોલ વેરિયન્ટ 23 કિમી પ્રતિ લિટરથી વધુ માઇલેજ આપે છે. જો આપણે CNG વેરિયન્ટ પર નજર કરીએ તો, માઇલેજ 34 km/kgથી વધુ જાય છે. જે તેના ચાલી રહેલા ખર્ચમાં ઘણો ઘટાડો કરે છે. ઉપરાંત મારુતિ વેગનઆર (Maruti WagonR) કાર તેના ઓછા જાળવણી ખર્ચ માટે જાણીતી છે, જે તેને લાંબા ગાળે આર્થિક રીતે ફાયદાકારક બને છે.
મારુતિનો વિશ્વાસ અને ઉત્તમ સર્વિસ નેટવર્ક
મારુતિ સુઝુકી (Maruti Suzuki) ભારતમાં સૌથી મોટું સર્વિસ નેટવર્ક ધરાવે છે. સર્વિસ કેન્દ્રો પુષ્કળ છે. નાના શહેરો અને ગામડાઓમાં પણ સર્વિસ અને પાર્ટ્સ ઉપલબ્ધ છે. ઓછી કિંમતના સ્પેરપાર્ટ્સ મળે છે, જે રિપેર અને જાળવણીને સરળ અને સસ્તું બનાવે છે. ગ્રાહકને ખાતરી આપવામાં આવે છે કે જો કારમાં ક્યારેય કોઈ સમસ્યા હશે, તો તાત્કાલિક મદદ મળી રહેશે.
સેફ્ટી અને ફીચર્સમાં સતત સુધારો
લેટેસ્ટ જનરેશન વેગનઆરમાં (WagonR) સેફ્ટીમાં નોંધપાત્ર સુધારો કરવામાં આવ્યો છે. 6 એરબેગ્સ, EBD સાથે ABS, રિવર્સ પાર્કિંગ સેન્સર જેવા સેફ્ટી ફીચર્સ હવે કારના દરેક મોડેલમાં ઉપલબ્ધ છે. તેમજ તેની બિલ્ડ ગુણવત્તામાં પણ પહેલા કરતા સુધારો થયો છે. તેમાં ટચસ્ક્રીન ઇન્ફોટેનમેન્ટ સિસ્ટમ, એન્ડ્રોઇડ ઓટો, એપલ કારપ્લે જેવા આધુનિક ફીચર્સ પણ છે. આ ગ્રાહકોને પોસાય તેવા ભાવે પ્રીમિયમ અનુભવ આપે છે.
વિવિધતા અને કસ્ટમાઇઝેશન વિકલ્પો
વેગનઆર (WagonR) વિવિધ એન્જિન વિકલ્પો અને પેટ્રોલ અને સીએનજી જેવા ઇંધણ પ્રકારોમાં આવે છે. તે 2 એન્જિન વિકલ્પોમાં ઉપલબ્ધ છે, જેમ કે 1.0L અને 1.2L પેટ્રોલ એન્જિન. 1.0 લિટર સાથે સીએનજી વિકલ્પ પણ છે. આ કાર ઓટોમેટિક અને મેન્યુઅલ ટ્રાન્સમિશન બંને વિકલ્પો સાથે ઉપલબ્ધ છે. મતલબ કે દરેક ગ્રાહક પોતાની જરૂરિયાત અને બજેટ અનુસાર મોડેલ પસંદ કરી શકે છે.
