આવી ગયું World Cup 2025નું શેડ્યૂલ, જાણો ક્યારે અને ક્યાં રમાશે ભારત-પાકિસ્તાનની મેચ

બે દિવસ પહેલા જ વર્લ્ડ ટેસ્ટ ચેમ્પિયનશિપ 2025ની ફાઈનલ પૂરી થઈ. આ વખતે સાઉથ આફ્રિકા ટેસ્ટ ચેમ્પિયન બન્યું છે. આ ફાઈનલ બાદ ICC હવે એક મોટી ટૂર્નામેન્ટની તૈયારી કરી રહ્યું છે. ICC એ તેનું શેડ્યૂલ પણ જાહેર કરી દીધું છે. ICC એ મહિલા વર્લ્ડ કપ 2025નું સંપૂર્ણ શેડ્યૂલ જાહેર કર્યું છે. ટૂર્નામેન્ટ 30 સપ્ટેમ્બરે યજમાન ભારત અને શ્રીલંકા વચ્ચેની મેચથી શરૂ થશે, જે બેંગલુરુમાં રમાશે. આ પછી, ડિફેન્ડિંગ ચેમ્પિયન ઓસ્ટ્રેલિયા 1 ઓક્ટોબરે ઈન્દોરના હોલકર ક્રિકેટ સ્ટેડિયમમાં ન્યુઝીલેન્ડ સામે પોતાનું અભિયાન શરૂ કરશે, જ્યારે બાંગ્લાદેશ એક દિવસ પછી કોલંબોમાં પાકિસ્તાનનો સામનો કરશે. ભારત અને પાકિસ્તાન 5 ઓક્ટોબરે એકબીજા સામે ટકરાશે. આ મેચ કોલંબોમાં રમાશે.

GSTVની એપ્લિકેશન ડાઉનલોડ કરો

   

ICC મહિલા વર્લ્ડ કપ 2025 રાઉન્ડ-રોબિન ફોર્મેટમાં આયોજિત કરવામાં આવશે. ટૂર્નામેન્ટમાં રાઉન્ડ-રોબિન સ્ટેજ 26 ઓક્ટોબર સુધી ચાલશે. આ પછી, સેમીફાઈનલ 29 અને 30 ઓક્ટોબરે યોજાશે. ફાઈનલ 2 નવેમ્બરના રોજ રમાશે. મેચ ભારતના 4 શહેરો - બેંગલુરુ, ગુવાહાટી, ઈન્દોર અને વિશાખાપટ્ટનમ એટલે કે વિઝાગમાં રમાશે, જ્યારે પાકિસ્તાન ટીમ તેની બધી મેચ શ્રીલંકાના કોલંબોમાં રમશે.

https://twitter.com/ICC/status/1934546879267697001

આ પણ વાંચો :

BCCI એ જાહેર કર્યું ભારત-ન્યુઝીલેન્ડ સિરીઝનું શેડ્યૂલ, ODI મેચ રમવા ગુજરાત આવશે રોહિત અને વિરાટ

WTC 2025-27નું શેડ્યૂલ જાહેર થયું, જાણો કોની સામે અને કેટલી મેચ રમશે ટીમ ઈન્ડિયા

સેમીફાઈનલ અને ફાઈનલ આ શહેરોમાં રમાશે

પહેલી સેમીફાઈનલ ગુવાહાટી અથવા કોલંબોમાં રમાશે. તે પાકિસ્તાનની ટીમ સેમિફાઈનલમાં પહોંચવા પર નિર્ભર રહેશે. જો પાકિસ્તાન સેમીફાઈનલમાં પહોંચવામાં સફળ થાય છે, તો મેચ ગુવાહાટીને બદલે કોલંબોમાં રમાશે. બેંગલુરુ બીજી સેમીફાઈનલનું આયોજન કરશે. ફાઈનલમાં પણ આ જ નિયમ લાગુ પડશે. જો પાકિસ્તાન ફાઈનલમાં પહોંચે છે, તો ટાઈટલ મેચ કોલંબોમાં યોજાશે, નહીં તો ફાઈનલ મેચ બેંગલુરુમાં યોજાશે. ટૂર્નામેન્ટની બધી મેચ ભારતીય સમય મુજબ બપોરે 3:00 વાગ્યે શરૂ થશે.

ICC મહિલા વર્લ્ડ કપ 2025નો સંપૂર્ણ શેડ્યૂલ

• મંગળવાર, 30 સપ્ટેમ્બર: ભારત વિરુદ્ધ શ્રીલંકા - બેંગલુરુ 
• બુધવાર, 1 ઓક્ટોબર: ઓસ્ટ્રેલિયા વિરુદ્ધ ન્યુઝીલેન્ડ - ઈન્દોર
• ગુરુવાર, 2 ઓક્ટોબર: બાંગ્લાદેશ વિરુદ્ધ પાકિસ્તાન - કોલંબો
• શુક્રવાર, 3 ઓક્ટોબર: ઈંગ્લેન્ડ વિરુદ્ધ સાઉથ આફ્રિકા - બેંગલુરુ
• શનિવાર, 4 ઓક્ટોબર: ઓસ્ટ્રેલિયા વિરુદ્ધ શ્રીલંકા - કોલંબો
• રવિવાર, 5 ઓક્ટોબર: ભારત વિરુદ્ધ પાકિસ્તાન - કોલંબો
• સોમવાર, 6 ઓક્ટોબર: ન્યુઝીલેન્ડ વિરુદ્ધ સાઉથ આફ્રિકા - ઈન્દોર
• મંગળવાર, 7 ઓક્ટોબર: ઈંગ્લેન્ડ વિરુદ્ધ બાંગ્લાદેશ - ગુવાહાટી
• બુધવાર, 8 ઓક્ટોબર: ઓસ્ટ્રેલિયા વિરુદ્ધ પાકિસ્તાન - કોલંબો
• ગુરુવાર, 9 ઓક્ટોબર: ભારત વિરુદ્ધ સાઉથ આફ્રિકા - વિઝાગ
• શુક્રવાર, 10 ઓક્ટોબર: ન્યુઝીલેન્ડ વિરુદ્ધ બાંગ્લાદેશ - વિઝાગ
• શનિવાર, 11 ઓક્ટોબર: ઈંગ્લેન્ડ વિરુદ્ધ શ્રીલંકા - ગુવાહાટી
• રવિવાર, 12 ઓક્ટોબર: ભારત વિરુદ્ધ ઓસ્ટ્રેલિયા - વિઝાગ
• સોમવાર, 13 ઓક્ટોબર: સાઉથ આફ્રિકા વિરુદ્ધ બાંગ્લાદેશ - વિઝાગ
• મંગળવાર, 14 ઓક્ટોબર: ન્યુઝીલેન્ડ વિરુદ્ધ શ્રીલંકા - કોલંબો
• બુધવાર, 15 ઓક્ટોબર: ઈંગ્લેન્ડ વિરુદ્ધ પાકિસ્તાન - કોલંબો
• ગુરુવાર, 16 ઓક્ટોબર: ઓસ્ટ્રેલિયા વિરુદ્ધ બાંગ્લાદેશ - વિઝાગ
• શુક્રવાર, 17 ઓક્ટોબર: સાઉથ આફ્રિકા વિરુદ્ધ શ્રીલંકા - કોલંબો
• શનિવાર, 18 ઓક્ટોબર: ન્યુઝીલેન્ડ વિરુદ્ધ પાકિસ્તાન - કોલંબો
• રવિવાર, 19 ઓક્ટોબર: ભારત વિરુદ્ધ ઈંગ્લેન્ડ - ઈન્દોર
• સોમવાર, 20 ઓક્ટોબર: શ્રીલંકા વિરુદ્ધ બાંગ્લાદેશ - કોલંબો
• મંગળવાર, 21 ઓક્ટોબર: સાઉથ આફ્રિકા વિરુદ્ધ પાકિસ્તાન - કોલંબો
• બુધવાર, 22 ઓક્ટોબર: ઓસ્ટ્રેલિયા વિરુદ્ધ ઈંગ્લેન્ડ - ઈન્દોર 
• ગુરુવાર, 23 ઓક્ટોબર: ભારત વિરુદ્ધ ન્યુઝીલેન્ડ - ગુવાહાટી
• શુક્રવાર, 24 ઓક્ટોબર: પાકિસ્તાન વિરુદ્ધ શ્રીલંકા - કોલંબો 
• શનિવાર, 25 ઓક્ટોબર: ઓસ્ટ્રેલિયા વિરુદ્ધ શ્રીલંકા - ઈન્દોર
• રવિવાર, 26 ઓક્ટોબર: ઈંગ્લેન્ડ વિરુદ્ધ ન્યુઝીલેન્ડ - ગુવાહાટી
• રવિવાર, 27 ઓક્ટોબર: ભારત વિરુદ્ધ બાંગ્લાદેશ - બેંગલુરુ 
• બુધવાર, 29 ઓક્ટોબર: સેમીફાઈનલ 1 - ગુવાહાટી/કોલંબો
• ગુરુવાર, 30 ઓક્ટોબર: સેમીફાઈનલ ૨ - બેંગલુરુ
• રવિવાર, 2 નવેમ્બર: ફાઈનલ - કોલંબો/બેંગલુરુ

આ પણ વાંચો :

એબી ડી વિલિયર્સથી નારાજ હતો વિરાટ કોહલી, ઘણા મહિનાઓ સુધી નહતી કરી વાત, ABD એ કર્યો ખુલાસો

ક્રિકેટર કુલદીપ યાદવે ઈંસ્ટા પરથી મંગેતરના ફોટો હટાવ્યા, 12 દિવસ પહેલાં જ થઈ હતી સગાઈ