ભારત અને ચીન વચ્ચેના સંબંધો પર આખી દુનિયાની નજર : એસ. જયશંકર

2020માં ગલવાનમાં થયેલી હિંસક અથડામણ પછી પહેલી વાર વિદેશ મંત્રી એસ. જયશંકર ચીનની મુલાકાતે ગયા છે. અહીં તેઓ SCO કોન્ફરન્સ 2025 (શાંઘાઈ કોઓપરેશન ઓર્ગેનાઈઝેશન) માં ભાગ લેવા ગયા છે. ઉપરાંત, જયશંકરની મુલાકાતનો હેતુ શાંતિ અને સ્થિરતા સાથે સરહદી વિવાદોનું નિરાકરણ લાવવાનો, વેપાર અને તકનીકી સહયોગને પ્રોત્સાહન આપવાનો છે. એસ. જયશંકરે ચીનના વિદેશ મંત્રી વાંગ યી સાથે મુલાકાત કરી. આ દરમિયાન તેમણે વેપાર, સરહદ વિવાદથી લઈને શાંતિ પુનઃસ્થાપન સુધીના મુદ્દાઓ પર ચર્ચા કરી છે. 

GSTVની એપ્લિકેશન ડાઉનલોડ કરો

   

અવરોધ વિનાનો વેપાર જરૂરી 

જયશંકરે કહ્યું છે કે બંને દેશોએ એકબીજા સાથે વેપાર કરતી વખતે કોઈપણ પ્રકારના નિયંત્રણો કે પ્રતિબંધો લાદવા જોઈએ નહીં. આનાથી બંને દેશોને નુકસાન થશે.

લોકો વચ્ચેનો સંપર્ક વધવો જોઈએ

તેમણે કહ્યું કે જો ભારત અને ચીનના સામાન્ય લોકો એકબીજાને મળતા રહે છે, તો આનાથી સહયોગ વધશે અને સંબંધો મજબૂત થશે.

 ભારત અને ચીન વચ્ચેના સંબંધો વિશ્વ માટે પણ મહત્વપૂર્ણ

તેમણે કહ્યું કે ભારત અને ચીન વચ્ચે સારા અને સ્થિર સંબંધો ફક્ત આ બંને દેશો માટે જ નહીં પરંતુ સમગ્ર વિશ્વ માટે ફાયદાકારક છે. ભારત અને ચીન વચ્ચેના સંબંધો પર આખી દુનિયા નજર રાખે છે.

સીમા પર શાંતિની અસર સંબંધો પર જોવા મળી

જયશંકરે કહ્યું કે સરહદ પર પરિસ્થિતિ શાંત અને સારી હોવાને કારણે બંને દેશો વચ્ચેના સંબંધોમાં સુધારો થયો છે. બંને દેશો હવે વેપારમાં વધુ ભાગીદારી કરી શકશે. તેમણે કહ્યું કે છેલ્લા નવ મહિનામાં ભારત અને ચીન વચ્ચેના સંબંધોમાં સારો સુધારો થયો છે અને વાતચીત દ્વારા સંબંધોને સામાન્ય બનાવવા તરફ પ્રગતિ થઈ છે.

કઝાન બેઠક બાદ સંબંધોમાં સુધારો

જયશંકરે કહ્યું કે ગયા વર્ષે કઝાનમાં ભારતના વડા પ્રધાન નરેન્દ્ર મોદી અને ચીનના રાષ્ટ્રપતિ શી જિનપિંગની મુલાકાત બાદ બંને દેશો વચ્ચેના સંબંધો ધીમે ધીમે સુધરી રહ્યા છે.

આપણે ભવિષ્યના વિઝન સાથે આગળ વધવું પડશે

તેમણે કહ્યું કે તેમના સંબંધો સુધારવા માટે, ભારત અને ચીનને એક વિઝન સાથે કામ કરવું પડશે અને ભવિષ્યના વિઝન સાથે આગળ વધવું પડશે.