Anand news: આણંદના બોરસદમાં મેઘરાજાએ ધમાકેદાર બેટિંગ કરતા શહેરના અલગ-અલગ વિસ્તારમાં હાલાકીની દ્રશ્યો જોવા મળ્યાં હતા. ચાર કલાકમાં ચાર ઈંચ વરસાદ ખાબક્યો. જોકે બપોર બાદ માત્ર બે કલાકમાં જ ભારે પવન સાથે સાડા ત્રણ ઈંચ વરસાદ વરસ્યો હતો. જેને લીધે પાંચવડ વિસ્તાર,રબારી ચકલા, ભોભાફળી, આણંદ ચોકડી, વાસદ ચોકડી સહિતના નિચાણવાળા વિસ્તારમાં પાણી ભરાયા હતા. ત્રણ દિવસના વિરામ બાદ મેઘરાજાના આગમનથી શહેરના રસ્તાઓ નદીમાં ફેરવાઈ ગયા હતા.

