Last Update :
10 Jun 2025
આવતીકાલ (11 જૂન) થી ઓસ્ટ્રેલિયા અને સાઉથ આફ્રિકા વચ્ચે વર્લ્ડ ટેસ્ટ ચેમ્પિયનશિપ (WTC) ની ફાઈનલ શરૂ થશે. આ પહેલીવાર છે જ્યારે ભારતીય ટીમ WTCની ફાઈનલ રમી રહી નથી. છતાં પણ ભારતીય ફેન્સ ફાઈનલ માટે ખૂબ ઉત્સુક છે. તો ચાલો તમને જણાવીએ કે તમે ભારતમાં આ મેચ કયા સમયે અને ક્યાં લાઈવ જોઈ શકશો.
GSTVની એપ્લિકેશન ડાઉનલોડ કરો
વર્લ્ડ ટેસ્ટ ચેમ્પિયનશિપની ફાઈનલ 11 જૂનથી લોર્ડ્સ ખાતે રમાશે
ઓસ્ટ્રેલિયા અને સાઉથ આફ્રિકા વચ્ચે વર્લ્ડ ટેસ્ટ ચેમ્પિયનશિપની ફાઈનલ 11 જૂનથી શરૂ થશે. આ મેચ લોર્ડ્સના ઐતિહાસિક મેદાન પર રમાશે, જેને ક્રિકેટનો મક્કા પણ કહેવામાં આવે છે. બંને ટીમોએ પોતાની તૈયારીઓ પૂર્ણ કરી લીધી છે. પેટ કમિન્સ અને ટેમ્બા બાવુમાએ પણ લોર્ડ્સની બાલ્કનીમાં ફોટોશૂટ કરાવ્યું છે. હવે રાહ ટોસ અને પછી પહેલો બોલ ફેંકવાની છે.
ભારતમાં ફાઈનલ બપોરે 3:30 વાગ્યે શરૂ થશે
ભારતમાં WTC ફાઈનલ ભારતીય સમય અનુસાર બપોરે 3:30 વાગ્યે શરૂ થશે. પહેલા દિવસે, ટોસ તેના અડધા કલાક પહેલા એટલે કે બપોરે 3 વાગ્યે થશે. જોકે, પછીના દિવસોમાં, મેચ સીધી બપોરે 3:30 વાગ્યે શરૂ થશે. એવી અપેક્ષા છે કે WTCનો વિજેતા 15 જૂને મળશે. જોકે, ICC એ ફાઈનલ માટે ખાસ વ્યવસ્થા કરી છે. જો વરસાદને કારણે મેચ વિક્ષેપિત થાય છે, તો 16 જૂનનો દિવસ રિઝર્વ ડે તરીકે વાપરી શકાય છે.
મેચ સ્ટાર સ્પોર્ટ્સ અને જીઓ હોટસ્ટાર પર લાઈવ થશે
જો મેચ લાઈવ જોવાની વાત હોય, તો તમે તેને જીઓ હોટસ્ટાર અને સ્ટાર સ્પોર્ટ્સ પર જોઈ શકો છો. તમે ચેનલ ટીવી પર મૂકીને સીધી મેચ જોઈ શકો છો, પરંતુ મોબાઇલ અથવા સ્માર્ટ ટીવી પર જીઓ હોટ સ્ટાર એપ હોવી જરૂરી છે.
