Last Update :
27 May 2025
આજે, પ્લેઓફની દૃષ્ટિએ એક મહત્ત્વપૂર્ણ મેચ લખનૌ સુપર જાયન્ટ્સ (LSG) અને રોયલ ચેલેન્જર્સ બેંગલુરુ (RCB) વચ્ચે એકાના ક્રિકેટ સ્ટેડિયમ ખાતે રમાશે. આ મેચનું પરિણામ નક્કી કરશે કે ક્વોલિફાયર 1માં કઈ ટીમ પંજાબ કિંગ્સ (PBKS) સાથે રમશે અને કઈ ટીમ એલિમિનેટર મેચમાં મુંબઈ ઈન્ડિયન્સ (MI) સાથે રમશે. ચાલો તમને સમીકરણો સમજાવીએ કે જો આજે વરસાદ રમત બગાડે તો પણ કઈ ટીમને ફાયદો થશે.
GSTVની એપ્લિકેશન ડાઉનલોડ કરો
IPL પ્લેઓફમાંથી બહાર થઈ ગયેલી LSG આજે તેની સિઝનનો સારી રીતે અંત કરવા અને RCBની રમત બગાડવાના ઈરાદા સાથે મેદાનમાં ઉતરશે. જો RCB જીતશે, તો તે ક્વોલિફાયર 1માં પોતાનું સ્થાન નિશ્ચિત કરશે, અને તેનો સામનો PBKS સામે થશે અને આ મેચ જીતનાર ટીમ સીધી ફાઈનલમાં જશે. જ્યારે ક્વોલિફાયર 1માં સ્થાન મેળવનાર ટીમ માટે સારી વાત એ છે કે હાર્યા પછી, તેને ફાઈનલમાં પહોંચવાની બીજી તક મળશે. તેનો સામનો એલિમિનેટર મેચ જીતનારી ટીમ સામે ક્વોલિફાયર 2માં થશે, જે ટીમ આ મેચ જીતશે તે બીજી ફાઈનલિસ્ટ બનશે.
RCB આજે હારી જાય તો શું થશે?
RCB પાસે હાલમાં 17 પોઈન્ટ છે, જો તે જીતે છે તો તેના 19 પોઈન્ટ થશે અને તે GTને પાછળ છોડીને બીજા સ્થાને આવી જશે. પરંતુ જો ટીમ હારી જાય તો તેનો ફાયદો GTને થશે. ગુજરાતના 14 મેચ બાદ 18 પોઈન્ટ છે. MIની વાત કરીએ તો, PBKS સામે હાર્યા બાદ, એ નક્કી છે કે તે હવે કોઈપણ રીતે ટોપ 2માં નહીં આવી શકે. તેણે એલિમિનેટર મેચ રમવી પડશે.
મેચ દરમિયાન વરસાદ પડે તો શું થશે?
જો આજે લખનૌમાં વરસાદ રમત બગાડે છે તો બંને ટીમોને 1-1 પોઈન્ટ મળશે. આ સ્થિતિમાં ગુજરાત અને બેંગલુરુના 18-18 પોઈન્ટ હશે, પરંતુ નેટ રન રેટના સંદર્ભમાં RCB આગળ નીકળી જશે. તમને જણાવી દઈએ કે RCB (0.255) GT (0.254) થી ખૂબ જ ઓછા માર્જિનથી આગળ છે.
આજે લખનૌમાં વાદળછાયું વાતાવરણ રહેશે, વરસાદ પણ પડી શકે છે પરંતુ વરસાદને કારણે મેચ રદ્દ થવાની શક્યતા બહુ ઓછી છે. પ્લેઓફ મેચોના શેડ્યૂલની વાત કરીએ તો, ક્વોલિફાયર 1 અને એલિમિનેટર મેચ મુલ્લાનપુરમાં રમાશે અને ક્વોલિફાયર 2 અને ફાઈનલ મેચ નરેન્દ્ર મોદી સ્ટેડિયમમાં યોજાશે.
IPL પ્લેઓફ મેચોનું શેડ્યૂલ
- 29 મે - ક્વોલિફાયર 1
- 30 મે - એલિમિનેટર
- 1 જૂન - ક્વોલિફાયર 2
- 3 જૂન - ફાઈનલ
