Last Update :
04 Jun 2025
IPL 2025ની ફાઇનલ મેચમાં RCB ટીમે પંજાબ કિંગ્સ ટીમને 6 રનથી હરાવી અને 18 વર્ષમાં પહેલીવાર ટાઇટલ જીતવામાં સફળતા મેળવી. પંજાબ કિંગ્સ ટીમ પાસે પણ પહેલીવાર ટાઇટલ જીતવાની તક હતી પરંતુ તે તેમાં સફળ થઈ શક્યા નહીં. પંજાબ કિંગ્સને ફાઇનલ મેચ જીતવા માટે 191 રનનો ટાર્ગેટ મળ્યો હતો પરંતુ તે 20 ઓવરમાં માત્ર 184 રન જ બનાવી શક્યા. તેમજ ફાઇનલ મેચમાં હાર બાદ પંજાબ કિંગ્સ ટીમના કેપ્ટન શ્રેયસ ઐયર સ્પષ્ટપણે નિરાશ દેખાતો હતો, જેમાં તેમણે જણાવ્યું હતું કે કયા ખેલાડીના કારણે ટીમને હારનો સામનો કરવો પડ્યો.
GSTVની એપ્લિકેશન ડાઉનલોડ કરો
કૃણાલ પંડ્યાની બોલિંગ અમારા માટે હારણનું મોટું કારણ
ફાઇનલ મેચમાં પંજાબ કિંગ્સની ટીમની હાર બાદ શ્રેયસ ઐયરે રનર-અપ ટીમની ઇનામી રકમ મેળવ્યા બાદ પોતાના નિવેદનમાં કબૂલાત કરી હતી કે સાચું કહું તો હું નિરાશ છું પરંતુ અમારા ખેલાડીઓએ જે રીતે તકનો સામનો કર્યો, આ થવું ન હતું પરંતુ તેનો શ્રેય સપોર્ટ સ્ટાફ, માલિકો અને આ રમતમાં ભાગ લેનારા દરેકને જાય છે. છેલ્લી મેચ જોતાં મને વ્યક્તિગત રીતે લાગ્યું કે 200 રનનો સ્કોર પીછો કરી શકાય છે. RCBની જીતનો શ્રેય તેમના બોલરોને જાય છે જેમણે 190 રનના સ્કોરનો પણ બચાવ કર્યો.
શ્રેયસ ઐયરે પોતાના નિવેદનમાં RCB ટીમના ઓલરાઉન્ડર કૃણાલ પંડ્યાની બોલિંગનો પણ ઉલ્લેખ કર્યો હતો, જેમાં તેણે તેની પ્રશંસા કરી હતી અને કહ્યું હતું કે તેની પાસે ઘણો અનુભવ છે અને મારું માનવું છે કે તે ચાર ઓવરનો સ્પેલ ટર્નિંગ પોઈન્ટ હતો. મને આ ટીમ પર ગર્વ છે. અમારી ટીમમાં ઘણા યુવા ખેલાડીઓ હતા જે પહેલીવાર IPLમાં રમી રહ્યા હતા અને તેમણે પોતાના પ્રદર્શનથી બધાને પ્રભાવિત કર્યા હતા. આપણે અહીં રહીને આવતા વર્ષે ટ્રોફી જીતવી પડશે. આપણે જે રીતે બધાની સામે પ્રદર્શન કર્યું તે કહેતા કે આપણે આ રમત જીતી શકીએ છીએ. આશા છે કે આપણે આગામી સિઝનમાં અહીં રહીશું અને સારું ક્રિકેટ રમીશું.
પંજાબ કિંગ્સે લીગ સ્ટેજ નંબર વન પર સમાપ્ત કર્યો
આ IPL સિઝન પંજાબ કિંગ્સ ટીમ માટે ખૂબ જ સારી રહી હતી જેમાં લીગ સ્ટેજ મેચો પૂર્ણ થયા પછી તે પોઈન્ટ ટેબલમાં નંબર વન પર રહ્યા હતા. આ પછી પંજાબ કિંગ્સ ટીમને ક્વોલિફાયર-1માં RCB સામે હારનો સામનો કરવો પડ્યો હતો, જ્યારે તેઓએ ક્વોલિફાયર-2માં મુંબઈ ઈન્ડિયન્સને હરાવીને ફાઇનલમાં સ્થાન મેળવ્યું હતું. પંજાબ કિંગ્સ ટીમને રનર-અપ તરીકે 12.5 કરોડ રૂપિયાની ઇનામી રકમ મળી હતી.
