Last Update :
30 Jan 2025
અમેરિકામાં વ્હાઇટ હાઉસ પાસે એક મોટી વિમાન દુર્ઘટના બની છે. વિમાનમાં 60 લોકો સવાર હતા. અકસ્માત બાદ વિમાન પોટોમેક નદીમાં પડી ગયું. મળતી માહિતી મુજબ, વિમાન હેલિકોપ્ટર સાથે અથડાવાથી આ અકસ્માત થયો હતો. વિમાન વોશિંગ્ટનના રોનાલ્ડ રીગન આંતરરાષ્ટ્રીય વિમાનમથક પર ઉતરવાનું હતું. ફ્લાઇટનું નદીમાં ઇમરજન્સી લેન્ડિંગ કરવું પડ્યું. અત્યાર સુધીમાં નદીમાંથી 19 મૃતદેહને બહાર કાઢવામાં આવ્યા છે. વોશિંગ્ટન એરપોર્ટ પણ બંધ કરવામાં આવ્યું છે.
GSTVની એપ્લિકેશન ડાઉનલોડ કરો
https://twitter.com/DCPoliceDept/status/1884789024155398597
https://twitter.com/aletweetsnews/status/1884789306645983319
આ વિમાન અમેરિકાના કેન્સાસ સિટીથી વોશિંગ્ટન આવી રહ્યું હતું. તે કેનેડા એરનું વિમાન હતું. અકસ્માત બાદ રાહત અને બચાવ કાર્ય ચાલુ છે.
રિપોર્ટ અનુસાર, આ અકસ્માતમાં હજુ સુધી કોઈને બચાવી શકાયા નથી. વિમાનમાં 64 લોકો સવાર હતા જ્યારે સેનાના હેલિકોપ્ટરમાં ત્રણ લોકો સવાર હતા.
આ અકસ્માત ત્યારે થયો જ્યારે વિમાન એરપોર્ટ પર ઉતરવાનું હતું. ત્યારે પાછળથી આવી રહેલ યુએસ આર્મીનું બ્લેકહોક હેલિકોપ્ટર તેની સાથે અથડાયું. આ પછી બંને ક્રેશ થયા અને પોટોમેક નદીમાં પડી ગયા. જે હેલિકોપ્ટર સાથે વિમાન અથડાયું તે સિરોસ્કી H-60 હેલિકોપ્ટર હતું.
અગાઉ, યુએસ સેનેટર ટેડ ક્રુઝે કહ્યું હતું કે આ ઘટનામાં મૃત્યુ થયા છે પરંતુ અમને હજુ સુધી ખબર નથી કે વિમાનમાં કેટલા લોકો સવાર હતા. દરમિયાન, એરપોર્ટ પર ફ્લાઇટ કામગીરી બંધ કરી દેવામાં આવી છે.
રાષ્ટ્રપતિ ટ્રમ્પ પરિસ્થિતિ પર નજર રાખી રહ્યા છે
ડીસી પોલીસનું કહેવું છે કે વિમાન સાથે અથડાયેલું હેલિકોપ્ટર મેટ્રોપોલિટન પોલીસ વિભાગનું નહોતું. વોશિંગ્ટન ડીસીના સેનેટર જેરી મોરને જણાવ્યું હતું કે કેન્સાસથી આવી રહેલ વિમાન ક્રેશ થયું હોવાના સમાચાર મળ્યા છે.
રાષ્ટ્રપતિ ડોનાલ્ડ ટ્રમ્પને આ અકસ્માતની જાણ કરવામાં આવી છે. વ્હાઇટ હાઉસ દ્વારા જારી કરાયેલા એક નિવેદનમાં, રાષ્ટ્રપતિ ટ્રમ્પે કહ્યું કે તેમને રીગન નેશનલ એરપોર્ટ પર બનેલી ભયાનક ઘટના વિશે જાણ કરવામાં આવી છે. ભગવાન પીડિતોના આત્માઓને શાંતિ આપે. હું પરિસ્થિતિ પર નજર રાખી રહ્યો છું.
રેસ્ક્યુ ઓપરેશન હાથ ધર્યું
આ ટક્કર બાદ વિમાન 60 મુસાફરો સહિત પોટોમેક નદીમાં ખાબક્યું હતું. જોકે ઘટનાની જાણ થતાં જ ઈમરજન્સી રિસ્પોન્સ ટીમના અધિકારીઓએ તાત્કાલિક કાર્યવાહી કરતાં રેસ્ક્યુ ઓપરેશન હાથ ધર્યું હતું. ક્રેશ થનાર કેનેડા એર એરલાઈન્સનું હોવાની જાણકારી મળી રહી છે અને તે અમેરિકન શહેર કેન્સાસ સિટીથી વોશિંગ્ટન આવી રહ્યું હતું અને રોનાલ્ડ રિગન ઈન્ટરનેશનલ એરપોર્ટ પર લેન્ડિંગ કરવાનું હતું.
