આ દેશની સરકારે iPhone વાપરવા પર મુક્યો પ્રતિબંધ, કારણ જાણીને તમે ચોંકી જશો

ઈન્ડોનેશિયાની સરકારે લોકોને Apple iPhone 16 વાપરવા પર પ્રતિબંધ મૂક્યો છે. સરકારે દેશમાં આઇફોનનો ઉપયોગ ગેરકાયદેસર જાહેર કર્યો છે. વાસ્તવમાં, ઇન્ડોનેશિયાએ દેશમાં Appleની અપૂર્ણ રોકાણ પ્રતિબદ્ધતાને કારણે iPhone 16 પર પ્રતિબંધ મૂક્યો છે.

ઈન્ડોનેશિયાની સરકારે શુક્રવારે જારી કરેલા આદેશમાં કહ્યું કે ઈન્ટરનેશનલ મોબાઈલ ઈક્વિપમેન્ટ આઈડેન્ટિટી (IMEI) પ્રમાણપત્ર વિના કોઈપણ ફોન ઉપકરણનો ઉપયોગ ગેરકાયદેસર છે. તેમણે કહ્યું કે સરકાર દેશમાં આવા ફોનનો ઉપયોગ કરવાની મંજૂરી આપતી નથી, તેનાથી સુરક્ષા માટે ઉભું થઈ શકે છે. સરકારે સ્પષ્ટપણે જણાવ્યું હતું કે કંપનીની વેચાણ પરમિટ જારી કરતા પહેલા કંપનીએ દેશમાં બાકી રોકાણ અને TKDN પ્રમાણપત્રની જરૂરિયાતો પૂરી કરવી પડશે.

આઇફોન વિદેશથી ખરીદ્યા પછી પણ લાવી શકાતો નથી

ઈન્ડોનેશિયાની સરકારે દેશમાં Apple iPhone 16ના વેચાણ અને સંચાલન પર સંપૂર્ણ પ્રતિબંધ લગાવી દીધો છે. ઈન્ડોનેશિયાના ઉદ્યોગ મંત્રી અગુસ ગુમીવાંગ કર્તસસ્મિતાએ કહ્યું કે ઈન્ડોનેશિયામાં કોઈપણ આઈફોન 16નો ઉપયોગ કરવો ગેરકાયદેસર હશે અને લોકોએ તેને અન્ય કોઈ દેશમાંથી ખરીદીને દેશમાં લાવવો જોઈએ નહીં. જો કોઈ આ ઉપકરણ વિદેશથી ખરીદશે તો તેની સામે પણ કડક કાર્યવાહી કરવામાં આવશે.

એપલે રોકાણ ઘટાડ્યું

ઈન્ડોનેશિયાના ઉદ્યોગ મંત્રીએ કહ્યું કે જો કોઈ આઈફોન 16નો ઉપયોગ કરે તો લોકોએ પોલીસને જાણ કરવી જોઈએ. તમને જણાવી દઈએ કે એપલે ઈન્ડોનેશિયામાં 1.71 ટ્રિલિયન રૂપિયાનું રોકાણ કરવાનું વચન આપ્યું હતું પરંતુ તેણે માત્ર 1.48 ટ્રિલિયન રૂપિયાનું જ રોકાણ કર્યું છે.