ભારતીય શેરબજારમાં આકર્ષક ઉછાળો, સેન્સેક્સ 900થી વધુ પોઈન્ટ ઉછળ્યો

Stock Market Today: વૈશ્વિક સ્તરે સકારાત્મક સંકેતો વચ્ચે ભારતીય શેરબજારમાં આકર્ષક ઉછાળો નોંધાયો છે. સેન્સેક્સ નજીવી વૃદ્ધિ સાથે ખૂલ્યા બાદ 935.69 પોઈન્ટ ઉછળ્યો હતો. આ સાથે ચાલુ કેલેન્ડર વર્ષમાં પ્રથમ વખત 81000નું લેવલ ક્રોસ કરવામાં સફળ રહ્યો છે. છેલ્લે 17 ડિસેમ્બર, 2024ના રોજ 81000ના લેવલ પર ટ્રેડ થયો હતો.

GSTVની એપ્લિકેશન ડાઉનલોડ કરો

   

નિફ્ટી 24500 ક્રોસ
શેરબજાર હેવી કરેક્શન બાદ હવે સુધારા તરફ આગેકૂચ કરતું જોવા મળ્યું છે. નિફ્ટી 50 આજે 24500ની મજબૂત ટેક્નિકલ સપાટી ક્રોસ કરવામાં સફળ રહ્યો છે. જે 10.41 વાગ્યે 185.10 પોઈન્ટના ઉછાળે 24519.30 પર ટ્રેડ થઈ રહ્યો હતો. બેન્ક નિફ્ટી પણ 442.05 પોઈન્ટના ઉછાળે કારોબાર થઈ રહ્યો હતો. સેન્સેક્સ 10.42 વાગ્યે 739 પોઈન્ટના ઉછાળે ટ્રેડેડ હતો.

બેન્કિંગ શેર્સમાં મોટાપાયે ખરીદી
વિદેશી રોકાણકારોની સતત ખરીદી તેમજ વૈશ્વિક સ્તરે સકારાત્મક પરિબળોના પગલે શેરબજાર સુધર્યા છે. બેન્કિંગ શેર્સમાં મોટાપાયે ખરીદી નોંધાઈ છે. ઈન્ડસઈન્ડ બેન્ક 2.24 ટકા, એક્સિસ બેન્ક 1.44 ટકા, એસબીઆઈ 1.41 ટકા, આઈસીઆઈસીઆઈ બેન્ક 1.34 ટકા ઉછળ્યો છે. 

આ પણ વાંચો :

આ ત્રણ કારણોથી ભારતીય શેરબજાર તૂટ્યું, રોકાણકારોના રૂ. 11 લાખ કરોડ ડૂબ્યા

Business Astro: શેરબજારનું સાપ્તાહિક ભવિષ્ય, જાણો આવતા અઠવાડિયે કેવું રહેશે બજાર

રૂપિયો 40 પૈસા મજબૂત બન્યો
ભારતીય રૂપિયો 1 ઓક્ટોબર, 2024 બાદ પ્રથમ વખત ડોલર સામે 84નું લેવલ તોડવા સક્ષમ બન્યો છે. આજે 40 પૈસા મજબૂત બની 84.09 પર ખૂલ્યા બાદ 83.90 થયો હતો. ઈક્વિટી અને ડેટ માર્કેટમાં મજબૂત મૂડી રોકાણના પગલે ફોરેક્સ માર્કેટ નબળું પડ્યું હોવાનું કરન્સી ટ્રેડર્સે જણાવ્યું છે.

આ પણ વાંચો :

શેરબજારમાં આજે જોવા મળી તેજી, માર્કેટ ખૂલ્યા બાદ સેન્સેક્સ 860 પોઈન્ટના ઉછાળે

શેરબજારમાં મહીનાઓ પછી FII પાછી ફરી, શું મોટી તેજીના સંકેત ગણી શકાય?