તમારી પર્સનલ માહિતી સુરક્ષિત છે. તમારો નંબર માત્ર અકાઉન્ટ વેરિફાય કરવા માટે જ લઈ રહ્યા છીએ.
Last Update :
20 Nov 2025
વર્ષ 2024માં દિવાળીના થોડા દિવસો પહેલાં મોરબીની હોટલના રૂમમાં કોઈનથી જુગાર રમતાં મોટા માથાંઓને પકડી 51 લાખ રૂપિયાનો તોડ કરવાના કેસમાં ટંકારાના તત્કાલિન પી.આઈ. વાય.કે. ગોહિલની છ મહિને ધરપકડ કરાઈ છે. ડીજીપીએ તપાસ સોંપ્યા પછી સપાટી ઉપર આવેલા કેસની તપાસ સુરેન્દ્રનગરના ડીવાય. એસ.પી. રબારી કરી રહ્યાં છે. પરંતુ, છ મહિનાથી ભૂગર્ભમાં ઉતરેલા વગદાર પી.આઈ. ગોહિલ કચ્છના આદિપુર ખાતેના ઘરે પહોંચતા સ્ટેટ મોનિટરીંગ સેલની ટીમે ઝડપી લીધા હતા. ટોકનથી રમાતાં જુગાર અંગે રેડ પાડી તેના 10 આરોપીના નામ મીડિયામાં ન આપવા તેમજ ફોન તથા આરોપી બદલવા માટે અર્ધા કરોડનો તોડ કરાયો હતો તેમાં સ્ટેટ સેલે તપાસ કરી ચોંકાવનારાં પુરાવા શોધી કાઢ્યા હતાં.
