Last Update :
13 Jun 2025
ગઈકાલે અમદાવાદમાં ક્રેશ થયેલા એર ઈન્ડિયાના વિમાનના કાટમાળમાંથી ગુજરાત એટીએસે ડિજિટલ વિડિયો રેકોર્ડર (ડીવીઆર) મેળવી લીધું છે. પૂછપરછ દરમિયાન તેમણે જણાવ્યું હતું કે કાટમાળમાંથી મળી આવેલું આ એક DVR છે. એફએસએલ ટીમ ટૂંક સમયમાં પહોંચશે, એવું એટીએસના એક કર્મચારીએ જણાવ્યું હતું.
GSTVની એપ્લિકેશન ડાઉનલોડ કરો
ક્રેશ સાઇટ પરથી DVR મળી આવ્યા
અમદાવાદ એર ઇન્ડિયા વિમાન દુર્ઘટના કેસની તપાસ ATS કરશે. આ કેસમાં ક્રેશ સાઇટ પરથી DVR મળી આવ્યા છે, જેને ATS એ પોતાના કબજામાં લઈ લીધો છે. ફોરેન્સિક ટીમે ક્રેશ સાઇટ પરથી નમૂનાઓ એકત્રિત કર્યા છે, જેને તપાસ માટે મોકલવામાં આવશે. ગુજરાત ATS ટીમ પણ આ કેસમાં સમાંતર તપાસ કરી રહી છે.
આ ઘટનાની ન્યાયિક તપાસ થવી જોઈએ
એર ઇન્ડિયા વિમાન દુર્ઘટના અંગે કોંગ્રેસ પ્રમુખ મલ્લિકાર્જુન ખડગેએ કહ્યું, "આ ઘટનાની ન્યાયિક તપાસ થવી જોઈએ. સુપ્રીમ કોર્ટના નિવૃત્ત અથવા વર્તમાન ન્યાયાધીશના નેતૃત્વ હેઠળ તપાસ થવી જોઈએ. જેની પણ ભૂલ હશે તે સામે આવશે. શું પાઇલટનો વાંક છે? શું પાયલોટને ઈન્ટ્રક્શન આપનારની ભૂલ હતી. શું તેણે દબાણ હેઠળ વિમાન ઉડાડ્યું હતું? સરકારે ભૂલ સ્વીકારવી જોઈએ અને તેની તપાસ કરવી જોઈએ."
દુર્ઘટનાએ સમગ્ર ગુજરાતને શોકમાં ગરકાવ કરી દીધું
અમદાવાદમાં ગુરુવારે બપોરે સર્જાયેલી ગોઝારી વિમાન દુર્ઘટનાએ સમગ્ર ગુજરાતને શોકમાં ગરકાવ કરી દીધું છે. અમદાવાદ એરપોર્ટ પરથી લંડન જતી એર ઈન્ડિયાની ફ્લાઈટ ટેકઓફ થયા બાદ ગણતરીની મિનિટોમાં જ ક્રેશ થઈ ગઈ હતી. આ વિમાનમાં 242 મુસાફરો સવાર હતા, જેમાં માત્ર એક જ વ્યક્તિનો ચમત્કારિક બચાવ થયો હતો.
વિમાન દુર્ઘટનાનું દ્રશ્ય એટલું ભયાનક કે જેણે જોયું તે ચોંકી ગયા
એર ઇન્ડિયાનું ડ્રીમલાઇનર પ્લેન અમદાવાદ એરપોર્ટ પરથી ઉડાન ભર્યાના થોડી મિનિટો પછી ખૂબ જ ખતરનાક રીતે મેડિકલ કોલેજના વિદ્યાર્થીઓની મેસ (ભોજનાલય)ના બિલ્ડિંગમાં અથડાયું હતું. વિમાન દુર્ઘટનાનું દ્રશ્ય એટલું ભયાનક હતું કે જેણે પણ તેને જોયું તે ચોંકી ગયા. લોકોના મૃતદેહ ઘણા ભાગોમાં વિખેરાયેલા હતા, લોકોના મૃતદેહ એટલા ખરાબ રીતે બળી ગયા હતા કે તેમની ઓળખ પણ થઈ શકી ન હતી, તેથી ડીએનએ ટેસ્ટનો આશરો લેવામાં આવી રહ્યો છે.
