Last Update :
18 Apr 2025
IPLની 18મી સિઝનની 34મી લીગ મેચમાં રોયલ ચેલેન્જર્સ બેંગલુરુ (RCB) અને પંજાબ કિંગ્સ (PBKS) વચ્ચે મુકાબલો થશે. બંને ટીમો વચ્ચેની આ મેચ 18 એપ્રિલે ભારતીય સમય મુજબ સાંજે 7:30 વાગ્યે બેંગલુરુના એમ. ચિન્નાસ્વામી સ્ટેડિયમ ખાતે રમાશે. આ સિઝનમાં RCB અને PBKS બંને નવા કેપ્ટનો હેઠળ રમી રહી છે, જેમાં તેમનું પ્રદર્શન અત્યાર સુધી ઘણું સારું રહ્યું છે. RCB ટીમ 8 પોઈન્ટ સાથે પોઈન્ટ્સ ટેબલમાં ત્રીજા નંબરે છે, જ્યારે PBKSના પણ 8 પોઈન્ટ છે અને તે ચોથા નંબરે છે. આવી સ્થિતિમાં, બધાની નજર આ મેચમાં કઈ ટીમ દબદબો તેના પર છે.
GSTVની એપ્લિકેશન ડાઉનલોડ કરો
એમ. ચિન્નાસ્વામી સ્ટેડિયમ પિચ રિપોર્ટ
RCB અને PBKS વચ્ચેની આ મેચ બેંગલુરુના એમ. ચિન્નાસ્વામી સ્ટેડિયમમાં રમાશે, જ્યાંની પિચ બેટિંગ માટે ખૂબ જ સારી માનવામાં આવે છે. નાની બાઉન્ડ્રીને કારણે, બેટ્સમેનોને અહીં મોટા શોટ રમવાનું થોડું સરળ લાગે છે. જોકે, આ સિઝનમાં અત્યાર સુધી અહીં રમાયેલી બે મેચોમાં, પ્રથમ બેટિંગ કરતી ટીમ માટે રન બનાવવા થોડા મુશ્કેલ રહ્યા છે, તેથી ટોસ મહત્ત્વપૂર્ણ ભૂમિકા ભજવશે. IPLમાં ચિન્નાસ્વામીનો પ્રથમ ઈનિંગનો એવરેજ સ્કોર લગભગ 171 રન રહ્યો છે.
બધાની નજર વિરાટ કોહલી અને શ્રેયસ અય્યરના પ્રદર્શન પર રહેશે
આ મેચનું પરિણામ મોટાભાગે 2 ખેલાડીઓના પ્રદર્શન પર નિર્ભર રહેશે, જેમાં વિરાટ કોહલીનું બેટ ચાલે તે RCBની ટીમ માટે ખૂબ જ મહત્ત્વપૂર્ણ રહેશે. જો કોહલી આ મેચમાં મોટી ઈનિંગ રમવામાં સફળ રહ્યો, તો RCB માટે મેચમાં પોતાની જીત સુનિશ્ચિત કરવી થોડી સરળ બની શકે છે. કોહલીએ અત્યાર સુધીમાં PBKS સામે 32 મેચ રમી છે, જેમાં તેણે લગભગ 35ની એવરેજથી 1030 રન બનાવ્યા છે અને તેમાં 5 અડધી સદી અને એક સદીનો સમાવેશ થાય છે. બીજી બાજુ, જો આપણે શ્રેયસ અય્યર વિશે વાત કરીએ, તો તેનું બેટ RCB સામે ચાલતું જોવા મળ્યું છે. અય્યરે RCB સામે 14 મેચોમાં 30.23ની એવરેજથી 393 રન બનાવ્યા છે, જેમાં તેણે 4 અડધી સદી ફટકારી છે.
આ મેચ કઈ ટીમ જીતી શકે છે?
RCB અને PBKS વચ્ચેનો હેડ ટૂ હેડ રેકોર્ડ જોઈએ તો બંને ટીમોના આંકડામાં લગભગ સમાન છે, બંને ટીમો વચ્ચે 33 મેચ રમાઈ છે, જેમાંથી RCB એ 16 મેચ જીતી છે, જ્યારે PBKS 17 મેચ જીતવામાં સફળ રહ્યું છે. જોકે, RCBની ટીમ ગઈ સિઝનમાં રમાયેલી બંને મેચ જીતવામાં સફળ રહી હતી. આમ છતાં, વર્તમાન સિઝનમાં, RCBની ટીમ PBKSને હળવાશથી લેવાની ભૂલ નહીં કરે. આ મેચમાં, ટોસ પરિણામ નક્કી કરવામાં મહત્ત્વપૂર્ણ ભૂમિકા ભજવી શકે છે, જેમાં ટાર્ગેટ ચેઝ કરતી ટીમ ડ્યુનો ફાયદો ઉઠાવી શકે છે. જોકે, ક્રિકેટને અનિશ્ચિતતાઓનો રમત કહેવામાં આવે છે. આવી સ્થિતિમાં, આ રમતમાં કંઈપણ આગાહી કરવી મુશ્કેલ છે.
બંને ટીમોની સંભવિત પ્લેઈંગ ઈલેવન
RCB: ફિલ સોલ્ટ, વિરાટ કોહલી, રજત પાટીદાર (કેપ્ટન), દેવદત્ત પડિક્કલ, જીતેશ શર્મા (વિકેટકીપર), ટિમ ડેવિડ, લિયામ લિવિંગસ્ટોન, કૃણાલ પંડ્યા, યશ દયાલ, જોશ હેઝલવુડ, ભુવનેશ્વર કુમાર.
PBKS: પ્રિયાંશ આર્ય, પ્રભસિમરન સિંહ, શ્રેયસ અય્યર (કેપ્ટન), નેહલ વઢેરા, જોશ ઈંગ્લિસ (વિકેટકીપર), શશાંક સિંહ, ગ્લેન મેક્સવેલ, માર્કો યાન્સન, ઝેવિયર બાર્ટલેટ, અર્શદીપ સિંહ, યુઝવેન્દ્ર ચહલ.
