Last Update :
30 May 2025
પંજાબના લમ્બી મતવિસ્તાર નજીક સિંઘેવાલા-ફુતૂહીવાલા ગામના ખેતરોમાં આવેલી ફટાકડાની ફેક્ટરીમાં આશરે 12:50 વાગ્યે જોરદાર વિસ્ફોટ થયો હતો. પ્રાથિમક માહિતી મુજબ, આ વિસ્ફોટમાં 20થી વધુ શ્રમિક ગંભીર રીતે ઈજાગ્રસ્ત થયા છે અને 4 લોકોના મોત નીપજ્યા છે. ઈજાગ્રસ્તોને બઠિંડા એઇમ્સ હોસ્પિટલમાં સારવાર અર્થે ખસેડવામાં આવ્યા છે. વિસ્ફોટના કારણે બે માળની ફેક્ટરીની ઈમારત પળવારમાં ધ્વસ્ત થઈ ગઈ હતી. ફેક્ટરીમાં બ્લાસ્ટ થયો ત્યારથી જવાબદાર કોન્ટ્રાક્ટર ફરાર થઈ ગયો છે.
GSTVની એપ્લિકેશન ડાઉનલોડ કરો
https://twitter.com/AHindinews/status/1928310226802942211
બ્લાસ્ટ બાદ અનેક કિલોમીટર દૂર સુધી ધડાકા સંભળાયા
જ્યારે ફેક્ટરીમાં બ્લાસ્ટ થયો તેનો અવાજ અનેક કિલોમીટર દૂર સુધી સંભળાયો હતો. ફેક્ટરીના પેકિંગ યુનિટમાં કામ કરનારા પરપ્રાંતીય શ્રમિકોના જણાવ્યા અનુસાર, અહીં બે શિફ્ટમાં કામ થાય છે અને લગભગ 40 કર્મચારીઓ કામ કરે છે, જેમાંથી અમુક તો પરિવાર સાથે જ અહીં રહે છે. મોટાભાગના કર્મચારીઓ ઉત્તર પ્રદેશમાં અને બિહારના હતા. બ્લાસ્ટ બાદ ઘટનાસ્થળે કૉર્સેર કંપનીના બોક્સમાં તૈયાર ફટાકડા પડ્યા હતા. આ દરમિયાન ઘટનાસ્થળથી હરિયાણાની નંબર પ્લેટવાળો છોટા હાથી (વાહન) પણ મળી આવ્યું હતું.
અધિકારીઓ ઘટનાસ્થળે પહોંચ્યા
સમગ્ર ઘટનાની જાણ થતાં SSP અખિલ ચૌધરી, એસપી મનમીત સિંહ, લમ્બીના ડીએસપી જસપાલ સિંહ અને કિલ્લિયાંવાલી પોલીસ સ્ટેશનના પ્રભાર કર્મજીત કૌર પણ ઘટનાસ્થળે દોડી આવ્યા હતાં. હાઇડ્રો મશીનથી હાલ કાટમાળ દૂર કરવાની પ્રક્રિયા હાથ ધરવામાં આવી છે.
મળતી માહિતી મુજબ, આ ફેક્ટરી સિંઘે વાલા-ફુતુહી વાલાના તરસેમ સિંહ નામના વ્યક્તિની છે, જે એક માન્ય ફેક્ટરી છે. પ્રાથમિક માહિતી અનુસાર, 4 લોકોના મોત નીપજ્યા છે અને 20થી વધુ લોકો ઈજાગ્રસ્ત થયા છે. કાટમાળની નીચેથી ત્રણ મૃતદેહ મળ્યા છે. હાલ, યુદ્ધના ધોરણે રાહત કાર્ય ચાલી રહ્યું છે. તપાસ બાદ આગળની કાર્યવાહી હાથ ધરવામાં આવશે.
