Last Update :
22 Apr 2025
આજે (22 એપ્રિલ) IPL 2025ની 40મી મેચમાં લખનૌ સુપર જાયન્ટ્સ (LSG) દિલ્હી કેપિટલ્સ (DC) સામે ટકરાશે. આ મેચ લખનૌના ભારત રત્ન શ્રી અટલ બિહારી વાજપેયી એકાના ક્રિકેટ સ્ટેડિયમમાં રમાશે. 18મી સીઝનમાં બંને ટીમો બીજી વખત આમને-સામને છે. આ ટીમો IPL 2025ની ચોથી મેચમાં પણ ટકરાઈ હતી, ત્યારે DCની ટીમ મેચ જીતી હતી. ચાલો જાણીએ કે લખનૌના એકાના સ્ટેડિયમની પિચની સ્થિતિ શું હશે.
GSTVની એપ્લિકેશન ડાઉનલોડ કરો
બોલરને થોડી રાહત મળી શકે છે
એકાના સ્ટેડિયમ ભારતના સૌથી મોટા સ્ટેડિયમોમાંનું એક છે. બોલર માટે આ થોડી રાહતની વાત છે. ધીમી સપાટી સ્પિનરને અનુકૂળ રહેશે કારણ કે તે પકડ અને ટર્ન આપી શકે છે અને બોલને બેટ પર આવવામાં મુશ્કેલી ઊભી કરી શકે છે. બેટ્સમેનોએ વચ્ચેની ઓવરોમાં સ્ટ્રાઈક રોટેટ કરવી પડશે અને પાવરપ્લેનો લાભ લેવો પડશે. IPLમાં આ મેદાનનો એવરેજ સ્કોર લગભગ 170 છે. અહીંની લાલ માટીની પિચ ફાસ્ટ બોલરને સારો ઉછાળો અને ગતિ આપે છે. આવી સ્થિતિમાં મંગળવારે બેટ અને બોલ વચ્ચે સમાન સ્પર્ધા જોવા મળી શકે છે.
એકાનામાં અત્યાર સુધીમાં 18 મેચ રમાઈ છે
આ સિઝનમાં લખનૌમાં અત્યાર સુધીમાં 4 મેચ રમાઈ છે. હોમ ગ્રાઉન્ડ પર, LSG એ 2 મેચ જીતી છે અને 2માં હારનો સામનો કરવો પડ્યો છે. અત્યાર સુધીમાં એકાના સ્ટેડિયમમાં 18 IPL મેચ રમાઈ છે. આ દરમિયાન, પ્રથમ બેટિંગ કરનારી ટીમે 8 મેચ જીતી છે. આ ઉપરાંત, એક મેચ અનિર્ણિત પણ રહી હતી.
આ મેદાન પર, ટોસ જીતનાર ટીમે 11 મેચ જીતી છે અને હારનાર ટીમે 6 મેચ જીતી છે.KKR એ એકાના ખાતે 235/6 નો હાઈએસ્ટ સ્કોર બનાવ્યો. સૌથી ઓછો સ્કોર લખનૌના નામે છે. LSG ઘરઆંગણે 108 રનમાં ઓલઆઉટ થઈ ગયું હતું.
એકાના સ્ટેડિયમ IPL આંકડા
- કુલ મેચ - 18
- પ્રથમ બેટિંગ કરનાર ટીમ જીત - 8 મેચ
- ચેઝ કરનાર ટીમ જીતી - 9 મેચ
- અનિર્ણિત - 1 મેચ
બંને ટીમોની સંભવિત પ્લેઈંગ ઈલેવન
LSG: રિષભ પંત (કેપ્ટન/વિકેટકીપર), મિચેલ માર્શ, એડન માર્કરામ, નિકોલસ પૂરન, ડેવિડ મિલર, અબ્દુલ સમદ, દિગ્વેશ રાઠી, શાર્દુલ ઠાકુર, રવિ બિશ્નોઈ, મયંક યાદવ, આવેશ ખાન.
DC: અક્ષર પટેલ (કેપ્ટન), અભિષેક પોરેલ, કરુણ નાયર, કેએલ રાહુલ (વિકેટકીપર), ટ્રિસ્ટન સ્ટબ્સ, આશુતોષ શર્મા, વિપરજ નિગમ, મિચેલ સ્ટાર્ક, કુલદીપ યાદવ, મોહિત શર્મા, ટી નટરાજન.
