Last Update :
30 Jun 2025
ગુજરાતના બોટાદના ધારાસભ્ય ઉમેશ મકવાણાને આમ આદમી પાર્ટીમાંથી હાંકી કાઢવામાં આવ્યા છે. હવે ધારાસભ્ય મકવાણાએ AAP સામે મોરચો માંડ્યો છે. તેમણે એવો આક્ષેપ કર્યો છે કે, 'ગુજરાત આમ આદમી પાર્ટીનું રિમોટ કન્ટ્રોલ કમલમમાં છે. આ બધાય માત્ર રાજકીય દેખાડો કરે છે. વાસ્તવમાં બધુ ભાજપના ઈશારે ચાલે છે. તેમણે એવી ચીમકી ઉચ્ચારી કે, આગામી દિવસોમાં આપના ગુજરાત અને દિલ્હીના નેતાઓનું ભાજપના ક્યા નેતાઓ સાથે રાજકીય સાઠગાંઠ છે તેના નામ-પુરાવા જાહેર કરીશ.'
GSTVની એપ્લિકેશન ડાઉનલોડ કરો
મને સસ્પેન્ડ કરવાનો નિર્ણય એકતરફી છે: ઉમેશ મકવાણા
વિસાવદર બેઠક પર આમ આદમી પાર્ટીએ જીત મેળવી છે. ત્યારે વિધાનસભા આપના દંડકપદેથી ધારાસભ્ય ઉમેશ મકવાણાએ રાજીનામુ ધરી દીધું હતું. આ ઘટનાની ગણતરીની મિનિટોમાં આપે શિસ્તભંગના પગલાં લઈને ઉમેશ મકવાણાને પક્ષમાં સસ્પેન્ડ કરી દીધા હતાં. હવે ધારાસભ્ય ઉમેશ મકવાણાનું કહેવુ છે કે, 'હું આપમાં રાષ્ટ્રીય નેતા છું. મને પ્રદેશકક્ષાએ સસ્પેન્ડ કરી શકાય નહીં. મને સસ્પેન્ડ કરવાનો નિર્ણય એકતરફી છે. આ જોતાં મે અરવિંદ કેજરીવાલને મળવાનો સમય માંગ્યો છે. હું તેમની સમક્ષ મારો પક્ષ મૂકીશ.'
ગુજરાત અને દિલ્હીના નેતાઓની ભાજપના નેતાઓ સાથે રાજકીય સાઠગાંઠ
ધારાસભ્યપદેથી રાજીનામું આપવાનો ધરાર ઈન્કાર કરતાં ઉમેશ મકવાણાએ કહ્યું કે, 'હું ધારાસભ્યપદેથી ટર્મ પૂર્ણ કરીશ. બોટાદના મતદારોએ મને ધારાસભ્યપદેથી રાજીનામુ આપવા ઈન્કાર કર્યો છે. હવે હું ભાજપ જ નહીં, આપ સામે પણ લડીશ.' તેમણે એવો ધડાકો કર્યો કે, ગુજરાત અને દિલ્હીના નેતાઓની ભાજપના નેતાઓ સાથે રાજકીય સાઠગાંઠ છે. કમલમના ઈશારે જ ગુજરાત આપ ચાલી રહ્યું છે. હું કયા નેતાની કોની સાથે સાઠગાંઠ છે તેના પુરાવા જાહેર કરીશ.
ભાવનગર લોકસભાની ચૂંટણીમાં આપે હરાવ્યો છે તેવો આક્ષેપ કરતાં મકવાણાએ વધુ કહ્યું કે, 'જ્યારે લોકસભાની ચૂંટણીમાં કોઈ વ્યૂહનીતિ નક્કી કરીએ તો, ગણતરીની મિનીટોમાં જ ભાજપને જાણ થઈ જતી હતી. કયા બૂથ પર કોણ બેસશે તેની પણ ભાજપને જાણ થઈ જતી. આમ, આપના નેતાઓ ભાજપના નેતાઓ સાથે સીધો સંપર્ક ધરાવે છે
