Last Update :
24 Jun 2025
વલસાડ જિલ્લા સહિત તેના ઉપરવાસના વિસ્તારોમાં છેલ્લા બે દિવસથી ભારે વરસાદની નોંધ થઇ રહી છે. તેની સીધી અસર જિલ્લામાં પ્રવાસન અને દૈનિક જીવન પર પડતી જોવા મળી રહી છે. ઉપરવાસમાંથી નીચળા વિસ્તારમાં પાણીના ભારે પ્રવાહના કારણે અનેક ગામડાઓનો માર્ગસંચાર ખોરવાયો છે. વલસાડ જિલ્લામાં કુલ 57 જેટલા રસ્તાઓ વરસાદના કારણે બંધ થઈ ગયાનું વહીવટી તંત્રએ જાહેર કર્યું છે.
GSTVની એપ્લિકેશન ડાઉનલોડ કરો
તૂટેલા માર્ગોની તાલુકાવાર વિગત:
કપરાડા તાલુકા – 20 રસ્તાઓ બંધ
ધરમપુર તાલુકા – 12 રસ્તાઓ પર અવરજવર બંધ
વલસાડ તાલુકા – 10 રસ્તાઓ બંધ
પારડી તાલુકા – 8 રસ્તાઓ પરથી વાહન વ્યવહાર અટકાયો
વાપી તાલુકા – 4 રસ્તાઓ ખોરવાયા
ઉમરગામ તાલુકા – 3 રસ્તા બંધ
વહીવટી તંત્ર સતર્ક
ભારે વરસાદના કારણે નદીઓમાં પાણીની સપાટી સતત વધી રહી છે. ખાસ કરીને ઓરંગા, પર, દમણગંગા અને કોલકેસરી નદીઓમાં ભયજનક સ્તરે વધારા જોવા મળ્યા છે. જેના પગલે કિનારાના વિસ્તારોમાં પૂરનો ખતરો ઉભો થયો છે. જિલ્લા વહીવટીતંત્ર દ્વારા નદીકાંઠે રહેતા લોકો માટે એલર્ટ જાહેર કરવામાં આવ્યો છે. "નદી કિનારે ન જાવ, સલામત જગ્યાએ રહો" એવી જાહેર અપીલ કરવામાં આવી છે. એનડીઆરએફ અને એસડીઆરએફની ટીમો પણ રાઉન્ડ ધ ક્લોક તૈનાત કરવામાં આવી છે, જેથી સંકટ સમયે રાહત અને બચાવ કામગીરી તાત્કાલિક શક્ય બને.
