Operation Sindoorથી ખુશ મોદી સરકાર સંરક્ષણ બજેટમાં 50 હજાર કરોડની વધારાની રકમ આપશે

મોદી સરકારે પાકિસ્તાનની ઊંઘ હરામ કરવાની તૈયારી પણ કરી લીધી છે. પાકિસ્તાનમાં આતંકવાદી ઠેકાણાઓનો નાશ કરનારા ઓપરેશન સિંદૂર પછી, ભારત સરકાર હવે સંરક્ષણ બજેટને વધુ મજબૂત બનાવવાની તૈયારી કરી રહી છે. સૂત્રોના જણાવ્યા અનુસાર, સંરક્ષણ ક્ષેત્રમાં નવા શસ્ત્રો, દારૂગોળો અને ટેકનોલોજીની ખરીદી માટે ૫૦,૦૦૦ કરોડ રૂપિયાની વધારાની રકમનો પ્રસ્તાવ મૂકવામાં આવ્યો છે. સંસદના શિયાળુ સત્રમાં તેને મંજૂરી મળી શકે છે. આ વધારાના બજેટ દ્વારા, સશસ્ત્ર દળોની પ્રાથમિક જરૂરિયાતો, આવશ્યક ખરીદીઓ અને સંશોધન અને વિકાસ (R&D) માટે જોગવાઈઓ કરવામાં આવશે.

GSTVની એપ્લિકેશન ડાઉનલોડ કરો

   

નાણાકીય વર્ષ 2024-25 માટે કેન્દ્રીય બજેટમાં સંરક્ષણ ક્ષેત્રને 6.81 લાખ કરોડ રૂપિયાની વિક્રમી ફાળવણી કરવામાં આવી હતી, જે પાછલા વર્ષ કરતાં 9.53% વધુ છે. વર્તમાન NDA સરકારના છેલ્લા 10 વર્ષમાં સંરક્ષણ બજેટમાં લગભગ ત્રણ ગણો વધારો થયો છે. 2014-15 માં આ બજેટ રૂ. 2.29 લાખ કરોડ થઈ ગઈ છે જ્યારે હવે તે વધીને રૂ. 6.81 લાખ કરોડ. આ કુલ બજેટના 13.45 % છે.

ઓપરેશન સિંદૂર દરમિયાન, ભારતે સરહદ પાર કર્યા વિના પાકિસ્તાનની અંદર 9 આતંકવાદી છાવણીઓનો નાશ કર્યો, જેનાથી સમગ્ર વિશ્વ સમક્ષ ભારતીય સેનાની ક્ષમતાઓનું પ્રદર્શન થયું. ભારતની બહુ-સ્તરીય હવાઈ સંરક્ષણ પ્રણાલીએ પાકિસ્તાનના ડ્રોન અને મિસાઈલ હુમલાઓને લગભગ સંપૂર્ણપણે નિષ્ફળ બનાવ્યા. આમાં રશિયન S-400, બરાક-8 અને સ્વદેશી આકાશ મિસાઇલનો સમાવેશ થાય છે. આ ઉપરાંત, પેચોરા, ઓસા-એકે અને એલએલએડી ગન સિસ્ટમ્સ જેવી ઘાતક સિસ્ટમ્સ પણ તૈનાત કરવામાં આવી હતી.

આ પણ વાંચો :

શ્રીનગરમાં જવાનો વચ્ચે પહોંચ્યા સંરક્ષણ મંત્રી રાજનાથ સિંહ, કહ્યું- Operation Sindoor પર ગર્વ

Operation sindoor પછી ત્રણ કેન્દ્રિય મંત્રીઓના ગુજરાતમાં ધામા, જાણો સમગ્ર શિડ્યુલ

12 મેના રોજ પોતાના ભાષણમાં વડા પ્રધાન નરેન્દ્ર મોદીએ કહ્યું હતું કે, "આ ઓપરેશન દરમિયાન, આખી દુનિયાએ આપણા મેડ-ઇન-ઇન્ડિયા શસ્ત્રોની વિશ્વસનીયતા જોઈ. હવે દુનિયા સ્વીકારી રહી છે કે 21 મી સદીના યુદ્ધમાં મેડ-ઇન-ઇન્ડિયા સંરક્ષણ સાધનોનો યુગ આવી ગયો છે."