તમારી પર્સનલ માહિતી સુરક્ષિત છે. તમારો નંબર માત્ર અકાઉન્ટ વેરિફાય કરવા માટે જ લઈ રહ્યા છીએ.
Last Update :
20 Nov 2025
દેશની વિવિધ ઈન્ડિયન ઈન્સ્ટિટ્યુટ ઓફ ટેકનોલોજી (IIT)માં પ્રવેશ માટેની જોઈન્ટ એન્ટ્રન્સ એક્ઝામ (JEE) એડવાન્સ પરીક્ષાનું પરિણામ જાહેર થયું છે. જેમાં પ્રથમવાર ગુજરાતના એક સાથે 10 વિદ્યાર્થી દેશના ટોપ 100 રેન્કમાં આવ્યા છે. વર્ષ 2024માં 6 વિદ્યાર્થી દેશના ટોપ 100માં હતા. જો કે, ગત વર્ષે ગુજરાતની વિદ્યાર્થિની 7માં રેન્ક સાથે દેશના ટોપ 10માં હતી. ત્યારે આ વર્ષે દેશના ટોપ 10 રેન્કમાં ગુજરાતનો એક પણ વિદ્યાર્થી નથી. પરંતુ અમદાવાદનો મોહિત અગ્રવાલ 12મા રેન્ક સાથે દેશના ટોપ 20 રેન્કમાં આવ્યો છે. જેઈઈ એડવાન્સમાં ગુજરાતનું પરિણામ 33 ટકા રહ્યું છે અને ગુજરાતમાંથી 2095 વિદ્યાર્થી એડવાન્સ પરીક્ષામાં ક્વોલિફાય થયા છે.
