Last Update :
21 May 2025
IPL 2025માં આજે (21 મે) ની મેચ ખૂબ જ મહત્ત્વપૂર્ણ બનવાની છે. આજની મેચ નક્કી કરી શકે છે કે કઈ ટીમ પ્લેઓફમાં પહોંચનારી ચોથી ટીમ બનશે. આજે દિલ્હી કેપિટલ્સ (DC) અને મુંબઈ ઇન્ડિયન્સ (MI) ની ટીમો વાનખેડે સ્ટેડિયમ ખાતે એકબીજા સામે ટકરાશે.
GSTVની એપ્લિકેશન ડાઉનલોડ કરો
MI પાસે આજે પ્લેઓફમાં પહોંચવાની તક છે. જો હાર્દિકની આગેવાની હેઠળની ટીમ આજે ઘરઆંગણે DCને હરાવવામાં સફળ રહે છે, તો તેના 16 પોઈન્ટ થશે અને તે પ્લેઓફ માટે ક્વોલિફાય થશે. આ સાથે, અક્ષર પટેલની આગેવાની હેઠળની ટીમની સફર આ સિઝનમાં સમાપ્ત થશે. આ મેચ DC માટે વધુ પડકારજનક રહેશે કારણ કે વાનખેડે સ્ટેડિયમમાં તેનો રેકોર્ડ બહુ સારો નથી રહ્યો.
હેડ ટૂ હેડ આંકડા
IPLમાં બંને ટીમો વચ્ચે અત્યાર સુધીમાં 36 મેચ રમાઈ છે. આમાંથી MI 20 વખત જીત્યું છે, જ્યારે DC 16 મેચ જીતી છે. વાનખેડે સ્ટેડિયમમાં આ તફાવત વધારે છે. આ સ્ટેડિયમમાં અત્યાર સુધીમાં બંને ટીમો વચ્ચે 10 મેચ રમાઈ છે, જેમાં MIએ 7 મેચ જીતી છે, જ્યારે DC ફક્ત 3 વાર જ જીતી શક્યું છે.
DC માટે પરિસ્થિતિ ખૂબ જ મુશ્કેલ છે. પ્લેઓફમાં પહોંચવાની પોતાની આશા જીવંત રાખવા માટે, તેણે ફક્ત આજની મેચ જ નહીં જીતવી પડે, પણ તેની છેલ્લી લીગ સ્ટેજ મેચમાં PBKS સામે પણ જીતમેળવવી પડશે. આવી સ્થિતિમાં, આ મેચ DC માટે કરો યા મરો જેવી છે. આ જ કારણ છે કે ક્રિકેટ ફેન્સ આજે વાનખેડે સ્ટેડિયમ ખાતે એક શાનદાર મેચ જોઈ શકે છે, જ્યાં બંને ટીમો પ્લેઓફમાં પોતાનું સ્થાન બનાવવા માટે શ્રેષ્ઠ પ્રયાસો કરશે.
બંને ટીમોની સંભવિત પ્લેઈંગ ઈલેવન
MI: રિયન રિકેલ્ટન (વિકેટકીપર), રોહિત શર્મા, સૂર્યકુમાર યાદવ, તિલક વર્મા, વિલ જેક્સ, નમન ધીર, હાર્દિક પંડ્યા (કેપ્ટન), મિચેલ સેન્ટનર, જસપ્રિત બુમરાહ, ટ્રેન્ટ બોલ્ટ, દીપક ચહર.
DC: અભિષેક પોરેલ (વિકેટકીપર), કેએલ રાહુલ, ટ્રિસ્ટન સ્ટબ્સ, ફાફ ડુ પ્લેસિસ, કરુણ નાયર, સમીર રિઝવી, આશુતોષ શર્મા, અક્ષર પટેલ (કેપ્ટન), કુલદીપ યાદવ, દુષ્મંથા ચમીરા, મુસ્તાફિઝુર રહેમાન.
