Last Update :
20 Jun 2025
ભારત માટે વર્લ્ડ ટેસ્ટ ચેમ્પિયનશિપ (WTC) 2025-27 સાયકલ આજથી શરૂ થઈ ગઈ છે. ભારત પહેલી મેચમાં ઈંગ્લેન્ડનો સામનો કરી રહ્યું છે. આ મેચ હેડિંગ્લી, લીડ્સ ખાતે શરૂ થવા જઈ રહી છે. મેચ પહેલા, અનુભવી ભારતીય બેટ્સમેન ચેતેશ્વર પૂજારાએ સાઈ સુદર્શનને ડેબ્યુ કેપ આપી હતી. આ સાથે, તે ટેસ્ટ ડેબ્યુ કરનાર 317મો ભારતીય ખેલાડી બન્યો. તાજેતરમાં સમાપ્ત થયેલ IPL 2025માં સાઈએ શાનદાર પ્રદર્શન કર્યું હતું.
GSTVની એપ્લિકેશન ડાઉનલોડ કરો
સાઈ સુદર્શને ડિસેમ્બર 2023માં સાઉથ આફ્રિકા સામે ODI ડેબ્યુ કર્યો હતો. તેણે અત્યાર સુધી રમાયેલી 3 ODI મેચની 3 ઈનિંગ્સમાં 63.50ની એવરેજ અને 89.43ની સ્ટ્રાઈક રેટથી 127 રન બનાવ્યા છે. આ દરમિયાન, તેણે 2 અડધી સદી પણ ફટકારી છે. સાઈ સુદર્શન IPL 2025માં સૌથી વધુ રન બનાવનાર ખેલાડી હતો. ગુજરાત ટાઈટન્સના આ બેટ્સમેનએ 15 મેચમાં 759 રન બનાવ્યા હતા. આ દરમિયાન તેણે 54.21ની એવરેજ અને 156.17ની સ્ટ્રાઈક રેટથી બેટિંગ કરી હતી. IPL 18મી સિઝનમાં તેના બેટમાંથી 6 અડધી સદી અને 1 સદી આવી હતી.
https://twitter.com/BCCI/status/1935992504836669748
જો આપણે સુદર્શનના ફર્સ્ટ-ક્લાસ ક્રિકેટના આંકડા પર નજર કરીએ તો, તેણે 29 મેચની 49 ઈનિંગ્સમાં 39.93ની એવરેજ અને 55.06ની સ્ટ્રાઈક રેટથી 1957 રન બનાવ્યા છે. સુદર્શનની ફર્સ્ટ-ક્લાસ ક્રિકેટમાં 5 અડધી સદી અને 7 સદી છે. ફર્સ્ટ-ક્લાસ ક્રિકેટમાં તેનો હાઈએસ્ટ સ્કોર 213 રન છે.
